சிட்டிங் எம்.எல்.ஏ.க்கள் ப்ளஸ் சீனியர்களுடன் திருச்சியில் மோதும் அதிமுக- வேட்பாளர்கள் பயோடேட்டா

By Mathi

Published: Sunday, April 24, 2016, 19:09 [IST]

Subscribe to Oneindia Tamil

வெல்லமண்டி நடராஜன்

திருச்சி கிழக்கு தொகுதி அதிமுக வேட்பாளராக வெல்லமண்டி என். நடராஜன் (வயது 66) நிறுத்தப்பட்டுள்ளார். திருச்சி மாநகர் மாவட்ட அவைத்தலைவராக நீண்டகாலம் பதவி வகித்து வருகிறார். 2000-ம் ஆண்டு முதல் 2003-ம் ஆண்டு வரை திருச்சி மாநகர் மாவட்ட அதிமுக செயலராகவும் பணியாற்றியவர்.

ஆர். மனோகரன்

திருச்சி மேற்கு தொகுதி வேட்பாளராக அறிவிக்கப்பட்டுள்ளார் சிட்டிங் எம்.எல்.ஏ. மற்றும் அரசு தலைமை கொறடா மனோகரன். இவர் நாயுடு சமூகத்தைச் சேர்ந்தவர். 1996-2001-ல் திருச்சி மாநகராட்சி கவுன்சிலராகவும் 2001-2006-ல் ஸ்ரீரங்கம் மண்டல குழு உறுப்பினராகவும் இருந்தவர்.

வளர்மதி

ஸ்ரீரங்கம் தொகுதி சிட்டிங் எம்.எல்.ஏ. வளர்மதி (வயது 51) மீண்டும் வேட்பாளராக அறிவிக்கப்பட்டுள்ளார். அதிமுகவில் மாவட்ட இணைச் செயலராகவும் பணியாற்றியாற்றியவர்.

சந்திரசேகர்

மணப்பாறை தொகுதி சிட்டிங் எம்.எல்.ஏ. சந்திரசேகர் (வயது 50) மீண்டும் வேட்பாளராக நிறுத்தப்பட்டுள்ளார். 1996-ம் ஆண்டு முதல் மருங்காபுரி ஒன்றிய செயலராக இருந்து வருகிறார்.

கலைச்செல்வன்

திருவெறும்பூர் தொகுதி அதிமுக வேட்பாளராக பெல்நிறுவன ஊழியர் கே.வி.டி. கலைச்செல்வன் நியமிக்கப்பட்டுள்ளார். 1989அதிமுக ஜெ. ஜா அணிகளாக பிளவுபட்ட போது ஜெயலலிதா அணியில் தீவிரமாக செயல்பட்டவர்.

விஜயமூர்த்தி

லால்குடி தொகுதி அதிமுக வேட்பாளராக விஜயமூர்த்தி (59) அறிவிக்கப்பட்டுள்ளார். லால்குடி ஒன்றிய ஜெயலலிதா பேரவை செயலராக இருந்து வருகிறார். இவரது மனைவி சுதாரானி லால்குடி பேரூராட்சி தலைவியாக இருக்கிறார்.

எம்.செல்வராஜ்

முசிறி தொகுதி அதிமுக வேட்பாளராக செல்வராஜ் (வயது50) நிறுத்தப்பட்டுள்ளார். அதிமுகவில் தற்போது மாவட்ட பிரதிநிதி மற்றும் தா . பேட்டை ஊராட்சி ஒன்றிய குழுத் தலைவராக இருந்து வருகிறார்.

பரமேஸ்வரி

மண்ணச்சநல்லூர் தொகுதி அதிமுக வேட்பாளராக பரமேஸ்வரி (வயது 38) நியமிக்கப்பட்டுள்ளார். மண்ணச்சல்லூர் ஒன்றிய குழு தலைவராகவும் மாவட்ட மகளிர் அணி இணை செயலராகவும் பதவி வகித்து வருகிறார்.

மைவிழி

துறையூர் (தனி) தொகுதி அதிமுக வேட்பாளராக மைவிழி (வயது 42) நிறுத்தப்பட்டுள்ளார். உப்பிலியபுரம் பேரூராட்சித் தலைவராக பதவி வகித்து வருகிறார். உப்பிலியபுரம் பேரூர் அதிமுக மகளிர் அணி செயலராக 14 ஆண்டுகாலமாக பொறுப்பு வகித்து வருகிறார்.