கர்நாடகாவுக்கு காவடி தூக்கும் நிர்மலா சீதாராமனை தமிழக முதல்வர் வேட்பாளராக்க துணியுமா பாஜக?
கர்நாடகாவை கண்மூடித்தனமாக ஆதரிக்கும் நிர்மலா சீதாராமனை தமிழக முதல்வர் வேட்பாளராக்குவது குறித்து பாஜக ஆலோசிக்கிறதாம்.
சென்னை: காவிரி பிரச்சனையில் தமிழகத்துக்கு துரோகம் செய்துவிட்டு கர்நாடகாவுக்கு காவடி தூக்கும் மத்திய அமைச்சர் நிர்மலா சீதாராமனை தமிழக முதல்வர் வேட்பாளராக பாஜக பரிசீலிப்பதாக வெளியான தகவல்கள் கடும் அதிர்ச்சியை ஏற்படுத்தியுள்ளது.
திருச்சியை பூர்வீகமாக கொண்டவர் நிர்மலா சீதாராமன். தெலுங்கானா மாநிலத்தில் வசித்து வருகிறார். நாடாளுமன்றத்தில் தமிழக எம்.பி.க்களின் கேள்விக்கு தமிழில் பதில் சொல்லி அசத்தியவர்தான்.
ஆனால் தமிழகத்தின் வாழ்வுரிமை சார்ந்த பிரச்சனைகளில் பச்சைதுரோகத்தை செய்கிறவர்தான் நிர்மலா சீதாராமன். காவிரி பிரச்சனையில் மேலாண்மை வாரியம் அமைக்கவே கூடாது என கர்நாடகா எம்.பி.க்களுடன் சேர்ந்து மத்திய அமைச்சர் உமாபாரதியிடம் மனு கொடுத்தவர்தான் இந்த நிர்மலா சீதாராமன்.
எகத்தாள கேள்வி...
அத்துடன் காவிரி பிரச்சனையில் பிரதமர் மோடி ஏன் தலையிட வேண்டும் என எகத்தாளமாக கேள்வி கேட்டவரும் இதே சாட்சாத் நிர்மலா சீதாராமன்தான். தமிழகத்தில் போராட்டங்கள் நடைபெற்றால் உடனே டெல்லியால் சமாதானப் பேச்சுவார்த்தைக்கு அனுப்பி வைக்கப்படுகிறவர் நிர்மலா சீதாராமன்.
வெறுப்பின் உச்சத்தில்..
ஆனால் தமிழகத்தில் உள்ள யதார்த்தத்தைப் அவர் புரிந்து கொள்ளாமல் பேசி தொடர்ந்து அதிருப்திகளையும் வாங்கிக் கட்டிக் கொண்டுதான் வருகிறார். தமிழகத்தில் நிர்மலா சீதாராமன் நடத்திய அத்தனை செய்தியாளர்கள் சந்திப்பிலும் 'கடுகடு' சிடுசிடுவென ஏதோ ஒருவித வெறுப்பில்தான் பேசிவருகிறார் நிர்மலா சீதாராமன்.
கீழடியில் எதிர்ப்பு
கடந்த சில நாட்களுக்கு முன்னர் கீழடி அகழ்வாராய்ச்சி இடத்தைப் பார்வையிட மத்திய அமைச்சர் மகேஷ் சர்மாவுடன் வருகை தந்தார் நிர்மலா சீதாராமன். அப்போது தொல்லியல் துறை அதிகாரி அமர்நாத்தை அஸ்ஸாமுக்கு மாற்றியதற்கு எதிராக பொதுமக்கள் போராட்டம் நடத்தினர்.
ஒருமை பேச்சு
இதற்கு பதிலளித்த நிர்மலா சீதாராமன், அந்த ஒரு ஆளுதான் ஒழுங்கா வேலை பார்ப்பவரா? என ஒருமையில் பேச அங்கு பதற்றமான சூழ்நிலை உருவானது. பாஜகவைப் பொறுத்தவரையில் தமிழகத்துக்கு எதிரான அத்தனை துரோகங்களையும் செய்து வருகிறது. இந்த வரிசையில் கர்நாடகாவுக்கு காவடி தூக்கும் நிர்மலா சீதாராமனை துணிச்சலுடன் தமிழகத்தின் முதல்வர் வேட்பாளராக அறிவித்தாலும் ஆச்சரியப்படுவதற்கில்லை என்றுதான் சொல்ல வேண்டும்.
Click it and Unblock the Notifications
Sign in with Google