மெர்சல் திரைப்படத்துக்கு எதிராக தீர்மானம் போடாமல் ஜகா வாங்கிய பாஜக பொதுக்குழு.... தொண்டர்கள் ‘ஷாக்’
மெர்சல் திரைப்படத்துக்கு எதிராக எந்த ஒரு தீர்மானமும் போடாமல் ஜகா வாங்கியிருக்கிறது பாஜக பொதுக்குழு.
கரூர்: மெர்சல் திரைப்படத்துக்கு எதிராக பாஜக பொதுக்குழுவில் தீர்மானம் போடாமல் பதுங்கியது அக்கட்சி தொண்டர்களை அதிர்ச்சி அடைய வைத்துள்ளது.
விஜய் நடித்த மெர்சல் திரைப்படத்தில் ஜிஎஸ்டி வரி விதிப்பு, டிஜிட்டல் இந்தியா உள்ளிட்ட மத்திய அரசின் நடவடிக்கைகள் விமர்சிக்கப்பட்டிருந்தன. இதற்கு பாஜக ரொம்பவே எதிர்ப்பு தெரிவித்தது.
ஆனால் ஒருகட்டத்தில் பாஜக எதிர்ப்பானது, விஜய்க்கு மதச்சாயம் பூசிப் பார்த்தது. ஆனால் ஒட்டுமொத்த தமிழகமும் பாஜகவுக்கு எதிராக அணி திரண்டது.
இதனிடையே பாஜகவின் பொதுக்குழு மற்றும் செயற்குழுக் கூட்டம் கரூரில் நடைபெற்றது. இந்த கூட்டத்தில் மெர்சல் திரைப்படத்துக்கு எதிராக தீர்மானம் நிறைவேற்றப்படும்; போராட்டங்கள் அறிவிக்கப்படும் என ஆவலுடன் பாஜக நிர்வாகிகள் எதிர்பார்த்திருந்தனர்.
ஆனால் திடீரென மெர்சல் பற்றி எந்த தீர்மானமும் வேண்டாம் என தடுக்கப்பட்டுவிட்டது. இதனால் பாஜக நிர்வாகிகள் கடும் அதிர்ச்சி அடைந்துள்ளனர். மெர்சல் திரைப்படம் தொடர்பாக கட்சி தலைமையை தொடர்புபடுத்தி ஊடகங்களில் அரசல் புரசலாக வந்த செய்திகள்தான் தீர்மானம் போடாமல் இருப்பதற்கு காரணமாக இருக்குமோ எனவும் பாஜக நிர்வாகிகள் விவாதித்துக் கொண்டனர்.
Click it and Unblock the Notifications
Sign in with Google