குமரி, கோவை மாவட்டத்தில் பாஜக அபார வளர்ச்சி... ஜூவி கருத்துக்கணிப்பு

சென்னை: கன்னியாகுமரி, கோவை மாவட்டங்களில் பாஜகவிற்கு கணிசமான வாக்கு வங்கி உள்ளதாக ஜூனியர் விகடன் வெளியிட்டுள்ள கருத்துக்கணிப்பில் தெரியவந்துள்ளது. குமரி மாவட்டத்தில் 25 சதவிகிதம் பேர் வரை பாஜகவிற்கு ஆதரவு தெரிவித்துள்ளனர்.

சட்டசபை தேர்தலில் பாஜக சில உதிரிக்கட்சிகளை இணைத்துக்கொண்டு கூட்டணி அமைத்து போட்டியிடுகிறது. பாஜக 157 தொகுதிகள் வரை வேட்பாளர்களை களம் இறக்கியுள்ள என்றாலும், பெரும்பாலான தொகுதிகளில் 2 சதவிகிதம் வாக்கு வங்கிகள் கூட இல்லை என்று ஜூனியர் விகடனின் கருத்துக்கணிப்பில் தெரிவிக்கப்பட்டுள்ளது.

கோவை மாவட்டத்திலும், உதகமண்டலம் வேதாரண்யம், தி.நகர், வேளச்சேரி ஆகிய தொகுதிகளிலும் பாஜகவிற்கு 15 சதவிகிதத்திற்கும் மேல் ஆதரவு தெரிவித்துள்ளனர்.
தமிழக பாஜக தலைவர் தமிழிசை சவுந்தரராஜன் போட்டியிடும் விருகம்பாக்கத்தில் 10 சதவிகிதம் பேர் மட்டுமே பாஜகவிற்கு வாக்களிப்போம் என்று ஆதரவு தெரிவித்துள்ளனர்.

பாஜகவிற்கு ஆதரவு அதிகம் உள்ள தொகுதிகள்:

கிள்ளியூர் - 26%
குளச்சல் - 25%
கோவை தெற்கு - 23%
பத்மநாபபுரம் - 22%
வேதாரண்யம், கன்னியாகுமரி 17%
விளவங்கோடு, பல்லடம் - 16%
தி.நகர் - 15%
குன்னூர் - 12%
நாகர்கோவில், உதகமண்டலம், வேளச்சேரி, கவுண்டம்பாளையம் - 11%
கூடலூர் (தனி) - 8%
விருகம்பாக்கம், தூத்துக்குடி, திருப்பூர் வடக்கு, சிங்காநல்லூர், - 10%
விருதுநகர், திருச்செந்தூர், சூலூர், - 9%
ஸ்ரீவைகுண்டம், ராதாபுரம், கோவை வடக்கு - 8%
மேட்டுப்பாளையம், சோழிங்கநல்லூர், திருப்பூர் தெற்கு, ராமநாதபுரம் - 7%
கும்மிடிப்பூண்டி, சிவகங்கை,தென்காசி,குளித்தலை, திருத்துறைப்பூண்டி, திருப்போரூர், திருவொற்றியூர்- 6%

ஆலந்தூர், விளாத்திக்குளம், திருவள்ளூர், சைதாப்பேட்டை,ஸ்ரீபெரும்புதூர், பெருந்துறை, கோபி, பவானி, மதுரை மேற்கு, காரைக்குடிஉள்ளிட்ட பல தொகுதிகளில் 5 சதவிகிதம் வாக்காளர்களின் ஆதரவு உள்ளது.

60க்கும் மேற்பட்ட தொகுதிகளில் 1 முதல் 3 சதவிகித ஆதரவு மட்டுமே உள்ளது. 50 தொகுதிகளுக்கு மேல் 3 முதல் 4சதவிகித வாக்காளர்களின் ஆதரவு உள்ளது. கம்பம், பாப்பிரெட்டிபட்டி தொகுதிகளில் பாஜகவிற்கு ஆதரவாளர்களே இல்லை என்று ஜூனியர் விகடன் கருத்துக்கணிப்பு கூறியுள்ளது.

English summary

In Kanniyakumari and Coimbatore districts BJP has grown well, according to to JV survey.