பாமக இருந்தாலும் சரி, இல்லாவிட்டாலும் சரி.. 2 'லிஸ்ட்'டுடன் பாஜக ரெடி!
சென்னை: கூட்டணியில் பாமக இருந்தாலும் சரி அல்லது விலக முடிவெடுத்தாலும் சரி, எத்தகைய சூழ்நிலையையும் சமாளிக்கும் வகையில் பாஜக 2 விதமான தொகுதிப் பங்கீட்டு பட்டியலுடன் தயாராகி விட்டதாம்.
இது நாள் வரை பாமக மற்றும் தே்முதிக இழுத்த இழுப்புக்கெல்லாம் போய் வந்த பாஜக தற்போது வெ்றுத்து விரக்தி நிலைக்குப் போய் விட்டது. விரக்தி நிலைக்குப் போய் விட்டதால் இனி என்ன நடந்தாலும் பரவாயில்லை என்ற பக்குவத்திற்கு வந்து விட்டதாம்.
எனவே இன்று பாமக எடுக்கப் போகும் முடிவுக்கேற்ப தானும் ரியாக்ஷன் கொடுக்க அது தயாராகி விட்டதாம்.
கையில் இரண்டு பட்டியலுடன் பாஜக ரெடியாக இருப்பதாக கூறுகிறார்கள். அதாவது பாமக கூட்டணியில் நீடித்தால் அதற்கேற்ப ஒரு தொகுதிப் பங்கீடு பட்டியல் மற்றும் பாமக கூட்டணியை விட்டு விலகினால் அதற்கேற்ப இன்னொரு பட்டியல் என இரண்டு விதமான பட்டியலை பாஜகவினர் ஏற்கனவே தயாரித்து விட்டார்களாம்.
பாமக ஒரு வேளை கூட்டணியில் நீடித்தால் ஒரு சில சமரசங்களுடன் தொகுதிப் பங்கீட்டுப் பட்டியலை வெளியிட்டு பிரச்சினையைத் தீர்ப்பது என்பது பாஜகவின் திட்டம்.
அதேசமயம், பாமக வெளியேற முடிவு செய்தால், அதற்கு ஒதுக்கப்பட்ட தொகுதிகளை தனக்கும், தேமுதிக, மதிமுக உள்ளிட்ட கட்சிகளுக்கும் பிரித்துக் கொடுத்து தொகுதிப் பங்கீட்டை முடிவுக்குக் கொண்டு வந்து சட்டுப்புட்டென்று பிரசாரத்தில் குதிப்பது என்பது பாஜகவின் இன்னொரு திட்டமாகும்.
தற்போதைய நிலையில் பாமகவின் முடிவு குறித்து கிஞ்சித்தும் பாஜக அச்சப்படவில்லை என்று சொல்லப்படுகிறது.
Click it and Unblock the Notifications
Sign in with Google