விளவங்கோட்டில் வெல்கிறது பாஜக... நி்யூஸ் 7 கருத்துக் கணிப்பு

சென்னை: கன்னியாகுமரி மாவட்டத்தில் உள்ள 5 தொகுதிகளில் 4 தொகுதிகளில் 3வது இடத்தைப் பிடித்த பாஜக, விளவங்கோடு தொகுதியில் மட்டும் வெல்லும் நிலையில் உள்ளதாக நி்யூஸ் 7 - தினமலர் கருத்துக் கணிப்பு தெரிவித்துள்ளது.

நியூஸ் 7- தினமலர் நடத்திய கருத்துக் கணிப்பில் இதுவரை பாஜக எந்த மாவட்டத்திலும் பலமானதாக இல்லை. ஆனால் கன்னியாகுமரி மாவட்டத்தில் மட்டும் அது 3வது இடத்தைப் பிடித்துள்ளது. அதிலும் விளவங்கோடு தொகுதியில் அது வெல்லும் நிலையில் உள்ளதாக தெரிவிக்கப்பட்டுள்ளது.

இங்கு தற்போது காங்கிரஸ் கட்சியின் விஜயதாரணி சட்டசபை உறுப்பினராக உள்ளார். மீண்டும் அவர் போட்டியிடுகிறார். ஆனால் இங்கு திமுக கூட்டணியில் இடம்பெற்றுள்ள காங்கிரஸுக்கு பின்னடைவு ஏற்பட்டுள்ளது.

இந்த தொகுதியில் பாஜகவுக்கு 29.3 சதவீத ஆதரவு கிடைத்துள்ளது. காங்கிரஸ் கட்சிக்கு 23.0 சதவீத ஆதரவு மட்டுமே உள்ளதாக கருத்துக்கணிப்புகள் தெரிவிக்கின்றன. அதிமுக 13.6 சதவீத ஆதரவு கிடைக்கும் எனவும் நி்யூஸ் 7 கருத்துக் கணிப்பு கூறுகின்றது.

English summary

News 7 Dinamalar opinion poll has predicted that BJP may win Vilavangodu.