இன்று மதுரை வருகிறார் பாஜக தேசியத்தலைவர் அமித்ஷா.. பலத்த பாதுகாப்பு ஏற்பாடுகள்

Published: Thursday, August 6, 2015, 0:10 [IST]

Subscribe to Oneindia Tamil

மதுரை : தேவேந்திரகுல வேளாளர் அறக்கட்டளையும், சுதேசி இயக்கமும் சேர்ந்து பிரதிநிதிகள் மாநாட்டை மதுரையில் இன்று நடத்துகின்றன. இதில் சிறப்பு விருந்தினராக பாஜக தேசியத்தலைவர் அமித்ஷா பங்கேற்க இன்று மதுரை வருகிறார்.

சென்னையிலிருந்து விமானம் மூலம் காலையில் மதுரை வரும் அமித்ஷா, அழகர்கோயில் சாலையில் உள்ள அரசு விருந்தினர் மாளிகையில் தங்குகிறார். பின்னர் மாலையில் மீனாட்சி சுந்தரேசுவரர் திருக்கோயிலுக்குச் சென்று வழிபடுகிறார். அதன்பின்னர் அவர் ராஜா முத்தையா மன்றத்தில் நடைபெறும் தேவேந்திரர் குல வேளாளர் அறக்கட்டளையின் மாநிலப் பிரதிநிதிகள் மாநாட்டில் பங்கேற்கிறார்.

இந்நிகழ்ச்சியில் ஆடிட்டர் எஸ்.குருமூர்த்தி மற்றும் மத்திய இணை அமைச்சர் பொன்.ராதாகிருஷ்ணன், பாஜக மாநிலத் தலைவர் தமிழிசை செüந்திரராஜன் உள்ளிட்டோர் பங்கேற்கின்றனர்.

அமித்ஷா வருகையை முன்னிட்டு மதுரையில் பலத்த போலீஸ் பாதுகாப்புக்கு ஏற்பாடு செய்யப்பட்டுள்ளது.

Published On August 6, 2015