வருங்கால "இந்திய ஜனாதிபதி" விஜய்க்குப் பிறந்த நாள் வாழ்த்து தெரிவித்தாரா.. டிவிட்டரில் பரபரப்பு!

நடிகர் விஜயின் பிறந்த நாளுக்கு பாஜக குடியரசுத் தலைவர் வேட்பாளர் ராம்நாத் கோவிந்த் வாழ்த்து தெரிவித்துள்ளதாக ஒரு போலி டிவீட் வலம்வந்துகொண்டிருக்கிறது.

சென்னை: நடிகர் விஜய் இன்று தனது பிறந்தநாளை கொண்டாடுகிறார். அவருக்கு பாஜக குடியரசுத் தலைவர் வேட்பாளர் ராம்நாத் கோவிந்த் வாழ்த்து தெரிவித்துள்ளதாக தகவல் வெளியாகியுள்ளது.

நடிகர் விஜயின் பிறந்த நாளை அவரது ரசிகர்கள் இன்று கொண்டாடி வருகின்றனர். நலத்திட்ட பணிகள், அன்னதானங்கள் என அவரது பிறந்தநாளை அசத்தி வருகின்றனர்.

ஊர் முழுக்க போஸ்டர்களை ஒட்டியும் நடிகர் விஜய்க்கு அவரது ரசிகர்கள் வாழ்த்து தெரிவித்து வருகின்றனர். டிவிட்டர் ஃபேஸ்புக் உள்ளிட்ட சமூக வலைதளங்களிலும் விஜயின் ரசிகர்கள் அவரது பிறந்தநாளை ஏகபோகமாக கொண்டாடி வருகின்றனர்.

ராம்நாத் விஜய்க்கு வாழ்த்து

இந்நிலையில் பாஜகவின் குடியரசுத் தலைவர் வேட்பாளரான ராம்நாத் கோவிந்த் நடிகர் விஜயின் பிறந்த நாளுக்கு டிவிட்டரில் வாழ்த்து தெரிவித்துள்ளதாக தகவல் வெளியாகியுள்ளது. இதுகுறித்து அவரது பெயரில் டிவிட்டர் ஒன்றும் வலம் வந்து கொண்டிருக்கிறது.

Happy Birthday @actorvijay !! Age is just a state of mind, it never stops you. Wishing you many Glories in this year! #HBDThalapathy

— Ram Nath Kovind (@iRamnathKovind) June 22, 2017

டிவிட்டரில் வாழ்த்து

அவரது டிவிட்டில் கூறியிருப்பதாவது, பிறந்த நாள் வாழ்த்துகள் நடிகர் விஜய். வயது என்பது மனநிலையே. அது எப்போதும் உங்களை நிறுத்தாது.

அவருடையது இல்லையாம்

இந்த ஆண்டு நீங்கள் பல புகழ்களை பெற வேண்டும் என குறிப்பிடப்பட்டுள்ளது. ஆனால் உண்மையில் இந்த டிவிட் ராம்நாத் உடையது இல்லையாம்.

அக்கவுன்ட்டே இல்லையாம்

ராம்நாத் கோவிந்த்துக்கு டிவிட்டரில் அக்கவுன்ட்டே இல்லை எனக் கூறப்படுகிறது. தற்போதைய அரசியல் பரபரப்பில் அவரது பெயரை வைத்து யாரோ வெளியிட்ட போலி டிவிட்டர் இது என தகவல் வெளியாகியுள்ளது.

English summary

BJP presidential candidate Ramnath kovind wishes for Actor Vijay's birthday throgh twitter.Actually ramnath does not have account in twitter. It seems a fake account wishes Vijay.