ரஜினி விவகாரம்: பாஜகவுக்குள்ளேயே ஒற்றுமை இல்லையே!

சென்னை: சூப்பர் ஸ்டார் ரஜினிகாந்தை தங்கள் கட்சியில் சேர்ப்பதில் பாஜகவுக்குள்ளேயே ஒற்றுமை இல்லாத நிலை உள்ளது.

ஜெயலலிதா பெங்களூர் சிறையில் இருக்கும் இந்த நேரத்தில் சூப்பர் ஸ்டார் ரஜினிகாந்தை எப்படியாவது தங்கள் பக்கம் இழுத்துவிட வேண்டும் என்பதில் பாஜக முனைப்பாக உள்ளது. தமிழக பாஜக தலைவர் தமிழிசை சவுந்திரராஜன் அதற்கான முயற்சியில் ஈடுபட்டுள்ளார்.

ஆனால் இந்த விவகாரத்தில் பாஜகவுக்குள்ளேயே ஒற்றுமை இல்லை.

தமிழிசை

தமிழிசை என்னவென்றால் ரஜினியை பாஜகவில் சேருமாறு அழைப்புக்கு மேல் அழைப்பு விடுத்துக் கொண்டிருக்கிறார்.

லதா ரஜினி

தமிழிசை ரஜினியின் வீட்டுக்கு சென்று அவரது மனைவி லதாவிடம் அரசியல் குறித்து பேசியதாக செய்திகள் வெளியாகின.

அமித் ஷா

தமிழிசை ஒருபக்கம் இருக்க மறுபக்கம் பாஜக தலைவர் அமித் ஷாவும் ரஜினியை தங்கள் பக்கம் இழுக்க முயல்கிறார்.

இல. கணேசன்

தமிழிசையும், அமித் ஷாவும் ரஜினியை பாஜகவில் சேர்த்தே ஆக வேண்டும் என்று இருக்க அக்கட்சி தேசிய செயற்குழு உறுப்பினர் இல. கணேசனோ வேறு மாதிரி பேசுகிறார்.

ரஜினி

ரஜினி என் நண்பர். அவருக்கு அரசியலில் ஈடுபடும் எண்ணம் இல்லை. அதனால் அவர் அரசியலுக்கு வர மாட்டார் என்று இல. கணேசன் தெரிவித்துள்ளார்.

இமேஜ்

அரசியலுக்கு வர மாட்டேன் என்று இருக்கும் ரஜினியை வம்படியாக இழுக்கும் முயற்சியில் பாஜக ஈடுபட்டுள்ளதற்கு காரணம் அவரது ரசிகர்கள் பட்டாளமும், இமேஜும் தான்.

English summary

BJP speaks in two voices on roping Rajinikanth in the national party.