கேம்பிரிட்ஜ் அனாலிட்டிக்காவின் இந்திய கிளையை முடக்கிய பாஜக.. தகவல்களை மறைக்க திட்டம்!

கேம்பிரிட்ஜ் அனாலிட்டிக்கா நிறுவனத்தின் இந்திய கிளை அமைப்பின் இணைய பக்கத்தை மத்திய பாஜக அரசு முடக்கி இருக்கிறது.

சென்னை: கேம்பிரிட்ஜ் அனாலிட்டிக்கா நிறுவனத்தின் இந்திய கிளை அமைப்பின் இணைய பக்கத்தை மத்திய பாஜக அரசு முடக்கி இருக்கிறது. கேம்பிரிட்ஜ் அனாலிட்டிக்காவிற்கும் பாஜகவிற்கு தொடர்பு இருப்பதாக காங்கிரஸ் நேற்றுதான் குற்றச்சாட்டு வைத்து இருந்தது.

இந்த முறைகேட்டை பிரபல சேனல் 4 தொலைக்காட்சிதான் கண்டுபிடித்தது. அவர்கள் நடத்திய ஸ்டிங் ஆபரேஷன் மூலம் கேம்பிரிட்ஜ் அனாலிட்டிக்கா நிறுவனம் பேஸ்புக்கில் மக்களின் தகவல்களை திருடியது கண்டுபிடிக்கப்பட்டது.

கேம்பிரிட்ஜ் அனாலிட்டிக்கா நிறுவனம் 50 மில்லியன் பேஸ்புக் பயனாளர்களின் கணக்கில் இருக்கும் தகவல்களை முறையின்றி சோதனை செய்து திருடி இருக்கிறது. பேஸ்புக் நிறுவனம் அதன் பயனாளிகளிடம் எந்த அனுமதியும் கேட்காமலே இந்த சோதனைக்கு அனுமதி வழங்கியதாக குற்றச்சாட்டு எழுந்துள்ளது.

வேறு பெயர்

உலகம் முழுக்க இந்த முறைகேட்டில் கேம்பிரிட்ஜ் அனாலிட்டிக்கா நிறுவனம் நேரடியாக ஈடுபட்டு இருந்தாலும், இந்தியாவில் மறைமுகமான வேலைகளையே செய்து இருக்கிறது. இந்தியாவில் இந்த நிறுவனம் 'ஓவலேனோ பிசினஸ் இண்டலிஜென்ஸ்' என்ற பெயரில் பதிவு செய்யப்பட்டு இருக்கிறது. இதன் மூலமாக அரசியல் சார்ந்த நிறைய பணிகள் செய்யப்பட்டு இருக்கிறது.

பாஜக

இந்த 'ஓவலேனோ பிசினஸ் இண்டலிஜென்ஸ்' நிறுவனம் பாஜகவிற்கு எல்லா மாநில தேர்தல்களிலும் உதவி உள்ளது. சென்ற நாடாளுமன்ற தேர்தலிலும் பாஜகவிற்கு இந்த நிறுவனம்தான் உதவியுள்ளது. மோடி குறித்த 'அலையை' உருவாக்கியது இவர்கள்தான் என்று புகார் வைக்கப்பட்டு இருக்கிறது.

Here are screenshots of LinkedIn page of Director of Cambridge Analytica's Indian arm, saying "managed 4 elections successfully for BJP", "helped achieve mission 272." @BJP4India: response please? pic.twitter.com/NaxNJJdzzb

— Sreenivasan Jain (@SreenivasanJain) March 21, 2018

அவர்களே

இதுகுறித்து அந்த 'ஓவலேனோ பிசினஸ் இண்டலிஜென்ஸ்' நிறுவனமே ஒப்புக்கொண்டது உள்ளது தான் இங்கே பெரிய விஷயம். அவர்கள் தங்கள் பக்கத்தில் ''நாங்கள் பாஜக கட்சிக்கு தேர்தலில் உதவி இருக்கிறோம். எங்களால் அவர்கள் நான்கு முறை வெவ்வேறு தேர்தல்களில் வெற்றி பெற்று இருக்கிறார்கள்.'' என்றுள்ளனர். இதைப்பற்றி காங்கிரஸ் உறுப்பினர்கள் டிவிட் செய்துள்ளார்கள்.

முடக்கம்

ஆனால் தற்போது பாஜக அரசு இதில் வேறு மாதிரியான நடவடிக்கை எடுத்துள்ளது. 'ஓவலேனோ பிசினஸ் இண்டலிஜென்ஸ்' நிறுவனத்தின் இணையதள பக்கம் முடக்கப்பட்டு இருக்கிறது. அதில்தான் பாஜக கட்சிக்கும் 'ஓவலேனோ பிசினஸ் இண்டலிஜென்ஸ்' நிறுவனத்திற்கும் இடையில் இருக்கும் தொடர்பு குறித்து எழுதப்பட்டு இருந்தது என்பது குறிப்பிடத்தக்கது.

English summary

Cambridge Analytica illegally used 50 million people Facebook accounts. It did a major role in America election and Brexit. This issue becomes a major one after Channel -4 sting operation video came out. We helped BJP to win Indian elections says Cambridge Analytica in their Indian branch profile. BJP takes down the Cambridge Analytica scandal local website.