டெல்லியை போல் தமிழ்நாட்டிலும் வெற்றி பெறுவோம்...தமிழிசையின் 'அடடா' நம்பிக்கை! - வீடியோ
தமிழக உள்ளாட்சி தேர்தலில் பாஜக டெல்லி மாநகராட்சி தேர்தலில் வெற்றி பெற்றதை போல பெரும் வெற்றியை பெறும். அதன் மூலம் தமிழகத்தில் காலூன்றும் என தமிழக பாஜக தலைவர் தமிழிசை தெரிவித்துள்ளார்.
Subscribe to Oneindia Tamil
மதுரை: டெல்லி மாநகராட்சி தேர்தலில் பாஜக அபார வெற்றியைப் பெற்றது போல தமிழக உள்ளாட்சித் தேர்தலிலும் வெற்றி பெறும் என தமிழக பாஜக தலைவர் தமிழிசை கூறியுள்ளார்.
தமிழக பாஜக தலைவர் தமிழிசை மதுரை உசிலம்பட்டியில் செய்தியாளர்களிடம் கூறியதாவது: ''டெல்லி மாகராட்சி தேர்தலில் பாஜக அபார வெற்றியைப் பெற்றது. அதுபோல தமிழகத்திலும் உள்ளாட்சி தேர்தலில் பெரிய வெற்றியை பெறும்.
அதற்காக அகில இந்திய பாஜக தலைவர் அமித்ஷா மே மாதம் 10,11,12 ஆகிய தேதிகளில் தமிழகம் வருகிறார். அவருடைய வருகை உள்ளாட்சி தேர்தலில் பாஜகவின் வெற்றியை உறுதி செய்யும்.
அதுமட்டுமில்லாமல் உள்ளாட்சி தேர்தல் மூலம் அனைத்து கட்சிகளுக்கும் சவால்விடும் வகையில் பாஜக வெற்றி பெற்று, தமிழகத்தில் வலுவாக காலூன்றும். முல்லை பெரியாறு அணையை 154 அடி உயர்த்திட பாஜக துணை நிற்கும்''. இவ்வாறு தமிழிசை கூறினார்.
Click it and Unblock the Notifications
Sign in with Google