சின்னப் பசங்க விளையாட்டுதான்.. ஆனாலும் வாழ்க்கையில் இந்த சுவாரஸ்யம் கூட இல்லாட்டி எப்படி!
சென்னை: இந்த பேஸ்புக் இருக்கு பாருங்க.. சில நேரம் நம்மை சின்னப் புள்ளையா மாத்தி விளையாடும். இருக்கிற டென்ஷன் எல்லாவற்றையும் தூக்கித் தூரப் போட்டு விட்டு குடுகுடுன்னு இதில் இறங்கி விளையாடும்போது கிடைக்கும் சந்தோஷமே அலாதிதான்.. இதுகூட இல்லாமல் என்ன சுவாரஸ்யம் இருக்குது வாழ்க்கையில்.
இப்படித்தான் இப்போதும் ஒரு விளையாட்டு பேஸ்புக்கில் ஓடிக் கொண்டிருக்கிறது. பலர் கலாய்க்கிறார்கள், பலர் கலாய்க்கப்படுகிறாகள். வயது வித்தியாசம் இல்லாமல் அத்தனை பேரும் ஆர்வம் காட்டி குதூகலிக்கின்றனர் இந்த விளையாட்டில்.
அதுதான் கருப்பு வெள்ளைப் பட விளையாட்டு. இதை Black and white challenge என்ற பெயரில் விளையாடி வருகின்றனர் நெட்டிசன்கள். ரொம்பெல்லாம் கஷ்டமான விளையாட்டு கிடையாது இது.
கருப்பு வெள்ளை சவால்
நம்மளோட கருப்பு வெள்ளைப் படத்தைப் போட வேண்டும். அதை யாராவது லைக் செய்தால் அவ்வளவுதான், அவர்களது கருப்பு வெள்ளைப் படத்தைப் போடுமாறு நாம் அழைக்க (அணத்த) வேண்டும். இப்படியாக இது ஒரு சங்கிலித் தொடர் போல ஓடும்.
சங்கிலி முருகன் போட்டோ!
இந்த விளையாட்டில் பல தமாஷ்களைப் பார்க்க முடிகிறது. பலர் தங்களது இளமைக்காலத்தில் எடுத்க பழைய சங்கிலி முருகன் டைப் படத்தையும், பழைய ஆர்.எஸ். மனோகர் டைப் படங்களையும் போட்டு திகிலூட்டுகின்றனர். இன்னும் பலர் இருக்கிற கலர் படத்தையே கருப்பு வெள்ளையாக்கி் போட்டு சமாளிக்கின்றனர்.
கலர் தெய்வங்கள்.. கற் சிலைகளாக!
மொத்தத்தில் இந்த விளையாட்டு ஹிட் ஆகியுள்ளது. இதன் மூலம் பல கலர் "தெய்வங்களை" கருப்பு வெள்ளை சிலையாகவும், "கருப்புத் தங்கங்களை" இன்னும் பயங்கர கருப்பாகவும் பார்க்க முடிகிறது. இப்படிக் கருப்புப் படங்களைப் போடுவோர் challenge accepted என்று போட்டு சம்பந்தப்பட்டவர்களை டேக் செய்ய வேண்டும்.
வலையில் சிக்கிய வலைஞர்கள்
ஆரம்பத்தில் பலர் தெரியாத்தனமாக வந்து லைக் போட்டு அடடா சூப்பரப்பு என்று கவுண்டமணி ரேஞ்சுக்குப் பாராட்டி வலையில் மாட்டினார்கள். ஆனால் இப்போது இந்த விளையாட்டு சூடு பிடிக்க அவர்களும் இதில் இப்போது வெறித்தனமாக இறங்கி பலரை வேட்டையாடி வருகின்றனர்.
நல்ல விளையாட்டுதான்... இது கூட இல்லாட்டி பிறகெப்படி வாழ்க்கையில் சுவாரஸ்யம் கூடும்... நீங்களும் விளையாடிப் பாருங்க மக்களே!
Click it and Unblock the Notifications
Sign in with Google