இடைத்தேர்தல் முடிவுகள் LIVE: திருமங்கலம், ஈரோடு கிழக்கு ஃபார்முலா இல்லாமல் தவெக வென்ற தேர்தல் இது! முதல்வர் விஜய் பதிவு

Updated: Friday, October 9, 2026, 17:37 [IST]

Subscribe to Oneindia Tamil

சென்னை: மதுராந்தகம் மற்றும் தாராபுரம் தொகுதிகளில் கடந்த 6ம் தேதி வாக்குப்பதிவு நடந்த நிலையில், இன்றைய தினம் வாக்கு எண்ணிக்கை தொடங்கி நடந்து வருகிறது. இரு தொகுதிகளிலும் தவெக, திமுக, அதிமுக, இடதுசாரிகள், நாதக என ஐந்து முனை போட்டி நிலவுகிறது. தற்போது வாக்கு எண்ணிக்கை தொடங்கி நடந்து வரும் நிலையில், கள நிலவரத்தை உடனுக்குடன் பார்க்கலாம்!

By Election 2026 By Election results 2026 Madhuranthagam by election Dharapuram by election

Oct 09, 2026, 9:30 pm IST

திமுக வேட்பாளர் சுகன்யாவிடம் தொலைபேசியில் பேசிய ஸ்டாலின்

தாராபுரம் தொகுதியில் திமுக சார்பாக போட்டியிட்டு 2-ஆம் இடம் பெற்ற வேட்பாளர் சுகன்யாவை தொலைபேசியில் தொடர்பு கொண்டு பேசிய திமுக தலைவர் ஸ்டாலின் தைரியாமக இருங்க என்று ஊக்கப்படுத்தினார்.
ஸ்டாலின் கூறுகையில், ”ஏற்கனவே நாம் வாங்கிய ஓட்டுகளை வாங்கிவிட்டோம். ஒன்னும் தப்பு இல்லை. கொஞ்சம் ரெஸ்ட் எடுத்துட்டு, மக்களுக்கு நேர்ல போய் நன்றி சொல்லுங்க.. இதுல உங்களோட உழைப்பும் இருக்கு.. தைரியமாகவும் சிறப்பாகவும் செயல்பட்டீர்கள்.. வாழ்த்துகள்” என்றார்.

Oct 09, 2026, 8:42 pm IST

விஜய்யை அதிமுகவினர் எம்ஜிஆராகப் பார்க்கிறார்கள் - ஆதவ் அர்ஜுனா

‘CM விஜய்யை அதிமுகவினர் எம்ஜிஆராகப் பார்க்கிறார்கள்!’- அமைச்சர் ஆதவ் அர்ஜுனா #AadhavArjuna #CMVijay #MGR #AIADMK #PoliticsToday #Oneindia #OneindiaTamil https://t.co/2ry9ouVYlC
— Oneindia Tamil (@thatsTamil) October 9, 2026

Oct 09, 2026, 8:39 pm IST

மதுராந்தகம் இடைத்தேர்தல் மற்றும் பொதுத் தேர்தல் முடிவுகளின் ஒப்பீடு!

மதுராந்தகம் இடைத்தேர்தல் மற்றும் பொதுத் தேர்தல் முடிவுகளின் ஒப்பீடு! #ByElection2026 #Madurantakam #PoliticsToday #Oneindia #OneindiaTamil https://t.co/H6UqAhxF4a
— Oneindia Tamil (@thatsTamil) October 9, 2026

Oct 09, 2026, 8:18 pm IST

தமிழக சட்டசபையில் கட்சிகளின் எம்எல்ஏக்கள் பலம்

தவெக - 109
திமுக - 59
அதிமுக - 41
காங்கிரஸ் - 5
பாமக - 4
விசிக - 2
சிபிஐ - 2
சிபிஎம் - 2
ஐயுஎம்.எல் - 2
அமமுக -1
பாஜக - 1
தேமுதிக - 1

Oct 09, 2026, 8:17 pm IST

தமிழகத்தில் காலியாக உள்ள சட்டசபை தொகுதிகள்

திருச்சி கிழக்கு
விராலிமலை
பெருந்துறை
கரூர்
அம்பாசமுத்திரம்

Oct 09, 2026, 8:12 pm IST

சட்டசபையில் தவெகவின் பலம் 109 ஆக அதிகரிப்பு

தமிழகத்தில் காலியாக இருந்த தாராபுரம், மதுராந்தகம் தொகுதிக்கு நடந்த இடைத்தேர்தலில் தவெக வேட்பாளர்கள் மரகதம் குமரவேல் மற்றும் சத்தியபாமா வெற்றி பெற்றதால் சட்டசபையில் தவெகவின் பலம் 107-இல் இருந்து 109 ஆக அதிகரித்துள்ளது.

Oct 09, 2026, 8:04 pm IST

இடைத்தேர்தல் வெற்றி மக்கள் நம்பிக்கையை பறைசாற்றுகிறது - விஜயபாஸ்கர்

‘மக்களின் நம்பிக்கையும், மக்கள் யார் பக்கம் நிற்கிறார்கள்’ என்பதையும் தாராபுரம், மதுராந்தகம் இடைத்தேர்தல் முடிவுகள் பறைசாற்றி இருக்கின்றது என சி விஜயபாஸ்கர் தெரிவித்துள்ளார். மேலும், தங்கமான திட்டங்களைத் தந்து.. மக்களின் இதயங்களில் தங்க சிம்மாசனத்தில் நிறைந்து இருக்கும் முதல்வர் விஜய்க்கும் வாழ்த்து தெரிவித்துள்ளார்.

‘மக்களின் நம்பிக்கையும், மக்கள் யார் பக்கம் நிற்கிறார்கள்’ என்பதையும் வெற்றி முழக்கமாய் மாபெரும் விசில் சத்தத்தோடு #தாராபுரம் #மதுராந்தகம் இடைத்தேர்தல் முடிவுகள் பறைசாற்றி இருக்கின்றது.. தங்கமான திட்டங்களைத் தந்து மக்களின் இதயங்களில் தங்க சிம்மாசனத்தில் நிறைந்து.. தனது பெரும் பணிகளுக்கு இடையிலும் தேர்தல் நடைபெற்ற இரு தொகுதியிலும் சூறாவளி சுற்றுப் பயணம் மேற்கொண்டு, அனைவருக்கும் நம்பிக்கை வெளிச்சம் பாய்ச்சி சிறப்புமிகு வெற்றிக்கு வழிவகுத்த மாண்புமிகு முதலமைச்சர் @TVKVijayHQ அவர்களுக்கும்; தாராபுரம் மற்றும் மதுராந்தகம் தொகுதிகளில் வெற்றிவாகை சூடியிருக்கும் சகோதரிகள் சத்தியபாமா மற்றும் மரகதம் குமரவேல் அவர்களுக்கும் மனம் நிறைந்த வாழ்த்துகளும், அன்பை வாக்குகளாய் வழங்கிய வாக்காளப் பெருமக்களுக்கும், இரவு பகலின்றி களத்தில் உழைத்த தோழர்கள் அனைவருக்கும் நெஞ்சம் நிறைந்த நன்றிகளும்!🔥🙏💐 @TVKPartyHQ | @BussyAnand | @TVKHQITWingOffl #CMJosephvijay #தமிழகவெற்றிக்கழகம் #TVK
— Dr.C.Vijayabaskar (@Vijayabaskarofl) October 9, 2026

Oct 09, 2026, 7:52 pm IST

திமுக, அதிமுகவுக்கு வெற்றிகரமான தோல்வி

தாராபுரத்தில் சத்தியபாமா 66,841 வாக்குகளும், மதுராந்தகத்தில் மரகதம் குமரவேல் 74,048 வாக்குகளும் பெற்று வெற்றி பெற்றாலும் திமுக, அதிமுகவை டெபாசிட் இழக்கச் செய்யும் வகையில் வெற்றி பெறவில்லை.
திமுக இரு தொகுதிகளிலும் இரண்டாம் இடம் பெற்றது. மதுராந்தகத்தில் 59,838 வாக்குகளையும், தாராபுரத்தில் 57,370 வாக்குகளையும் பெற்றது. 3 ஆம் இடம் பிடித்த அதிமுக மதுராந்தகத்தில் 69,284 வாக்குகளும், தாராபுரத்தில் 45,280 வாக்குகளும் பெற்றது. இரண்டு தொகுதிகளிலும் திமுகவும், அதிமுகவும் படுதோல்வி என்று இல்லாமல், வெற்றிகரமான தோல்வியே அடைந்துள்ளது.

Oct 09, 2026, 7:08 pm IST

தாராபுரத்தில் வீச்சு பரோட்டா - நிர்மல் குமார்

மதுராந்தகம், தாராபுரம் இடைத்தேர்தலில் தவெக வெற்றி பெற்ற நிலையில், அக்கட்சியின் மூத்த நிர்வாகிகளில் ஒருவரும், மின் துறை அமைச்சருமான நிர்மல் குமார் வெளியிட்ட பதிவு கவனம் பெற்றுள்ளது. மதுராந்தகத்தில் முட்ட பரோட்டா.. தாராபுரத்தில் வீச்சு பரோட்டா.. என்று தேர்தல் வெற்றி குறித்து பதிவிட்டுள்ளார்.

Oct 09, 2026, 7:08 pm IST

அம்மா ஆட்சி மீண்டும் அமையும் - டிடிவி தினகரன்

“தர்மத்தின் வாழ்வுதனைச் சூது கவ்வும்; இறுதியில் தர்மமே வெல்லும்” என்பது போல, தமிழகத்தைக் கவ்வியுள்ள இந்த மாய்மால சக்தி பெற்றுள்ள வெற்றி தற்காலிகமானதுதான் எனவும், தமிழகத்தை அதலபாதாளத்திற்குத் தள்ளியுள்ள இந்த இரவல் ஆட்சி விரைவில் வீழ்த்தப்பட்டு அம்மாவின் ஆட்சி மீண்டும் அமையும் என டிடிவி தினகரன் பதிவிட்டுள்ளார்.

“தர்மத்தின் வாழ்வுதனைச் சூது கவ்வும்; இறுதியில் தர்மமே வெல்லும்” என்ற வரிகளுக்கு ஏற்ப, இன்று தமிழகத்தைக் கவ்வியுள்ள இந்த மாய்மால சக்தி பெற்றுள்ள வெற்றி தற்காலிகமானதுதான். கடந்த ஐந்து மாத கால ஆட்சியில், விண்ணை முட்டும் அளவிற்கு உயர்ந்துள்ள அரிசி, பருப்பு உள்ளிட்ட அத்தியாவசியப் பொருட்களின் விலை, மின்கட்டண உயர்வு, அறிவிக்கப்படாத தொடர் மின்வெட்டு, வாழ்வாதாரத்தை இழந்து தவிக்கும் விவசாயிகள், அண்டை மாநிலங்களுக்குச் செல்லும் தொழிற்சாலைகளால் கேள்விக்குறியாகியுள்ள இளைஞர்களின் வேலைவாய்ப்பு, தாராளமான தனியார்மயமாக்கல், கொத்துக் கொத்தாக நடைபெறும் படுகொலைகள், பாலியல் குற்றங்கள், போதைப்பொருட்களின் தாராளப் புழக்கம் எனத் தமிழகத்தை அதலபாதாளத்திற்குத் தள்ளியுள்ள இந்த இரவல் ஆட்சி விரைவில் அம்மாவின் தொண்டர்களால் வீழ்த்தப்பட்டு தமிழகத்தின் பொற்காலமான புரட்சித்தலைவி அம்மா அவர்களின் ஆட்சி மீண்டும் தமிழகத்தில் அமையப்போவது உறுதி.
— TTV Dhinakaran (@TTVDhinakaran) October 9, 2026

Oct 09, 2026, 7:01 pm IST

தவெகவை அசைக்க முடியாது - கனிமொழி எம்எல்ஏ

என் தொகுதியில் வெற்றி பெற்ற போது கூட நான் இவ்வளவு மகிழ்ச்சி அடையவில்லை. இது வரலாற்று சிறப்பு மிக்க வெற்றி. தாராபுரம், மதுராந்தகம் தொகுதியில் வெற்றி பெற்றதால் மகிழ்ச்சியில் இருக்கிறோம். இனி தவெகவை அசைக்க முடியாது என கவுண்டம்பாளையம் தொகுதி த.வெ.க சட்டமன்ற உறுப்பினர் கனிமொழி சந்தோஷ் பேட்டியளித்தார் .

Oct 09, 2026, 6:51 pm IST

வெறிச்சோடிய திமுக, அதிமுக கட்சி அலுவலகங்கள்

மதுராந்தகம், தாராபுரம் இடைத்தேர்தலில் திமுக, அதிமுக தோல்வியை தழுவின. இதனால், அக்கட்சியின் தலைமை அலுவலகங்களில் தொண்டர்கள் இன்றி வெறிச்சோடி காணப்பட்டது.

Oct 09, 2026, 6:31 pm IST

திமுக மீண்டும் வெல்லும் - திவ்யா சத்யராஜ்

இரு தொகுதி இடைத்தேர்தலிலும் தனித்து போட்டியிட்ட திமுக 2ஆம் இடம் பிடித்துள்ள நிலையில் இது குறித்து ட்வீட் பதிவிட்டுள்ள திவ்யா சத்யராஜ், “எவ்வளவு முடியுமோ அவ்வளவு தொகுதிகளிலும் இனி உதயசூரியனே போட்டியிட வேண்டும். நம் முதுகில் ஏறி சவாரி செய்துவிட்டு தங்களால் தான் திமுக வென்றது என்று கூறிவந்த SOFA துரோகிகள் அவர்களின் இடத்தை உணரட்டும்” என்று கூறியுள்ளார்.
5 நிமிடங்கள் பேசினாலே ஒரு லட்சம் வாக்குகள் விழும் என பில்டப் கொடுத்த தவெக, 2 தொகுதிகளிலும் இவ்வளவு உருண்டும், 10 ஆயிரம், 20 ஆயிரத்துக்கும் குறைவான வாக்குகள் வித்தியாசத்திலேயே வென்றிருக்கிறது. திமுக மீண்டும் வெல்லும்” என பதிவிட்டுள்ளார்.

எவ்வளவு முடியுமோ அவ்வளவு தொகுதிகளிலும் இனி உதயசூரியனே போட்டியிட வேண்டும். நம் முதுகில் ஏறி சவாரி செய்துவிட்டு தங்களால் தான் திமுக வென்றது என்று கூறிவந்த SOFA துரோகிகள் அவர்களின் இடத்தை உணரட்டும். "எங்கள் தலைவர் 5 நிமிடங்கள் பேசினாலே ஒரு லட்சம் வாக்குகள் விழும்" என்று பில்டப் கொடுத்த தவெக, இரண்டு தொகுதிகளிலும் இவ்வளவு உருண்டும் பத்தாயிரத்துக்கும் இருபதாயிரத்துக்கும் குறைவான வாக்குகள் வித்தியாசத்திலேயே வென்றிருக்கிறது. இனியாவது அவர்கள் வானத்திலிருந்து இறங்கி பூமிக்கு வருவார்கள் என நம்புவோம். That was a good fight. திமுக மீண்டும் வெல்லும் 🖤❤️
— Divya Sathyaraj (@DivyaSathyaraj_) October 9, 2026

Oct 09, 2026, 6:20 pm IST

இடைத்தேர்தல் முடிவு - சிபிஎம் சண்முகம் கருத்து

எங்கள் பணி நாடாளுமன்றம், சட்டமன்றங்களில் மட்டுமல்ல, வீதிகளில் தொடரும்.. நம்பிக்கையோடு மக்கள் பணிக்கு எங்களை எதிர்காலத்திலும் அர்ப்பணித்து கொள்வோம். - இடைத்தேர்தல் முடிவுகள் குறித்து சிபிஎம் செயலாளர் சண்முகம்

Oct 09, 2026, 5:59 pm IST

வெற்றியை தலைமைக்கு சமர்ப்பிக்கிறேன் - சத்தியபாமா

எத்தனையோ தடைகளுக்கு பிறகு தாராபுரத்தில் வெற்றி பெற்று இருக்கிறேன். இந்த வெற்றியை தலைமைக்கு சமர்ப்பிக்கிறேன். தாராபுரம் தொகுதி மக்களுக்கு நன்றி சொல்லிக்கொள்கிறேன். விஜய்யின் நல்லாட்சியை மக்கள் நேசிப்பதாலும், விஜய் மீண்டும் மக்களுக்கு நல்லது செய்ய வேண்டும் என்பதாலும் எங்களுக்கு வாக்களித்துள்ளனர் என திருப்பூரில் சத்தியபாமா பேட்டியளித்தார்.

Oct 09, 2026, 5:36 pm IST

துரோகத்துக்குக் கிடைத்த இடைக்கால வெற்றி - மு.க ஸ்டாலின் துரோகத்துக்குக் கிடைத்த இடைக்கால வெற்றி. பொய் பிம்ப அரசியலின் வீழ்ச்சி தொடங்கிவிட்டது. 5 மாதத்தில் திணிக்கப்பட்டதுதான் இந்த இடைத்தேர்தல்.. அதிகார பலம், ஆட்சி பலம், பணபலத்தை நம்பி களமிறங்கியது தவெக. ஆளும்கட்சியினரை அச்சத்தில் அலையவிட்ட உடன்பிறப்புகளுக்கு நன்றி என்று மு.க ஸ்டாலின் தெரிவித்துள்ளார்.

துரோகத்துக்குக் கிடைத்த இடைக்கால வெற்றி பொய் பிம்ப அரசியலின் வீழ்ச்சி தொடங்கிவிட்டது! நடந்து முடிந்த மதுராந்தகம், தாராபுரம் இடைத்தேர்தலில் திராவிட முன்னேற்றக் கழகம் தலைமையிலான மதச்சார்பற்ற முற்போக்குக் கூட்டணி வேட்பாளர்களுக்கு வாக்களித்த வாக்காளப் பெருமக்கள் அனைவருக்கும் எனது மனமார்ந்த நன்றியைத் தெரிவித்துக் கொள்கிறேன். இரண்டு தொகுதியிலும் மிகக்கடுமையாகத் தேர்தல் பணியாற்றிய தொண்டர்கள், முன்னணியினர், உடன்பிறப்புகள், கூட்டணிக் கட்சியின் தலைவர்கள் ஆகிய அனைவருக்கும் எனது நன்றியைத் தெரிவித்துக் கொள்கிறேன். சட்டமன்றத் தேர்தல் முடிந்த ஐந்தே மாதத்தில் திணிக்கப்பட்டதுதான் இந்த இடைத்தேர்தல். வாக்களித்த மை அழிவதற்கு முன்னால் மக்களின் விருப்பத்தை அழித்துவிட்டு இரண்டு சட்டமன்ற உறுப்பினர்கள் தங்கள் பதவியை விட்டு விலகி, அடுத்த நிமிடமே ஆளும் கட்சியில் சேர்ந்தார்கள். அப்பட்டமான ஜனநாயகப் படுகொலை நடந்தது. அதனால்தான் இந்த இடைத்தேர்தல் நடந்தது. பதவி விலகிய இருவரையே வேட்பாளர்களாக அறிவித்து, தேர்தலைச் சந்தித்தது ஆளும்கட்சி. அதிகார பலம், ஆட்சி பலம், பணபலம், போலீஸ் பலம் ஆகியவற்றைப் பக்கபலமாக வைத்து த.வெ.க. இந்தத் தேர்தலை எதிர்கொண்டது. சினிமா கவர்ச்சி பலத்தை மட்டுமே நம்பி அரசியல் களத்தில் குதித்து - பெரும்பான்மை பலம் இல்லாவிட்டாலும் குதிரை பேரங்களின் மூலமாக முதலமைச்சர் ஆகியுள்ள விஜய், இந்த இடைத்தேர்தலிலும் ரீல்ஸ் காட்சிகளே கைகொடுக்கும் என்று நம்பினார். டீ குடித்தார், டிராக்டர் ஓட்டினார், முருங்கைக்காய் பறித்தார், தெருத்தெருவாகப் போனார். எந்தவொரு இடைத்தேர்தலுக்கும், ஒரு முதலமைச்சர் பதவியில் இருப்பவர் இப்படித் தெருத்தெருவாகப் போனது இல்லை. இந்த இரண்டு தொகுதியில் வெற்றி பெற்றால்தான் தனக்கு இனி அரசியல் வாழ்க்கை என்ற முடிவோடு செயல்பட்டார். நான்கு நாட்கள் இரண்டு தொகுதியிலும் இருந்துள்ளார் முதலமைச்சர். வெளியூரில் இருந்து இறக்கிவிடப்பட்ட ஆட்கள், அவர் போகும் சாலைகள் அனைத்தும் வைக்கப்பட்ட பேரிகேட், கொடுக்கப்பட்ட அன்பளிப்புகள், அமைச்சர்களுக்கு மட்டும் எவ்வளவு செலவு செய்துள்ளேன் என்று ஆளும்கட்சி வேட்பாளரே அளித்த வாக்குமூலங்கள் இவை அனைத்தையும் வைத்துப் பார்க்கும்போது இந்த வெற்றியை அடைய த.வெ.க. எவ்வளவு பதற்றத்தில் இருந்துள்ளது என்பதை அறிய முடிகிறது. ஐந்து நிமிடம் பேசினாலே கொத்து புரோட்டா போட்டுவிடுவார் என்று சொல்லப்பட்டவரை நான்கு நாட்கள் கொளுத்தும் வெயிலில் அலைய வைத்துக் கொத்து புரோட்டா போட்டுவிட்டார்கள் மக்கள். கட்சி, தேர்தல், மக்கள் பணிகள் என்றால் என்னவென்று முதலமைச்சர் விஜய் இனியாவது உணர்ந்து செயல்பட வேண்டும். தேர்தல் தேதி அறிவிக்கப்பட்ட பிறகுதான் மகளிருக்குக் கட்டணமில்லாப் பயண விரிவாக்கம், தாய்மாமன் தங்கமோதிரம், அண்ணன் சீர் போன்ற திட்டங்களை அவர் அறிவித்தார். இதுவே தேர்தல் நடத்தை விதிகளை மீறியதுதான். இப்படி பல்வேறு விதிமீறல்களைச் செய்தே இந்த முடிவை த.வெ.க. பெற்றுள்ளது. என்னைப் பொறுத்தவரையில் துரோகத்துக்கு இடைக்கால வெற்றி கிடைத்துள்ளது. அதே நேரத்தில் பொய் பிம்ப அரசியலின் வீழ்ச்சி தொடங்கிவிட்டது! ஜி.பே.யில் பணம் - பரிசுப் பொருட்கள் கொடுத்தார்கள். ஊரையே விலை பேசினார்கள் என்பதை இந்த ஆட்சியை ஆதரிக்கும் கட்சிகளே ஒப்புக்கொண்டு பேட்டி கொடுத்த காட்சிகளையும் நாம் பார்த்தோம். தேர்தலுக்கு முந்தைய இரவு வெளியான வீடியோவில் கோடிகளைக் கொட்டிச் செலவிட்டதை வேட்பாளரே ஒப்புக்கொள்ளும் காட்சிகளையும் பார்த்தோம். தூய சக்தியின் வேடத்தை இது அம்பலப்படுத்தியது. திரைமறைவில், இன்னும் சில கட்சிகளின் வாக்குகளை வாங்கப் பொய்ச்செய்தியைப் பரப்பினார்கள். ஒட்டுமொத்த அமைச்சரவையும் இரு தொகுதிகளுக்குள் மூன்று வார காலம் முடங்கியது. துரோகம் செய்த வேட்பாளர்களுக்கு எதிர்ப்பு தெரிவித்த மக்கள் காவல்துறையினரைக் கொண்டு மிரட்டப்பட்டார்கள். 17 வயது இளைஞரைக் கூட கைது செய்தார்கள். 'ஆளும்கட்சிக்கு வாக்களிக்காவிட்டால் தொகுதிக்கு எதையும் செய்யமாட்டோம்' என பிளாக்மெயில் செய்து வாக்கு வாங்க வேண்டிய நிலைக்குத் தள்ளப்பட்டார்கள். அரசு ஊழியர்களையும் வாக்குப்பதிவின்போது மிரட்டி ஆதரவாகப் பணியாற்ற வைத்தார்கள். 'சூரியனுக்கு வாக்களிக்கச் சொன்னால் விசிலுக்கு அழுத்தச் சொன்னார்கள்' என்று ஒரு மூதாட்டி வெளிப்படையாகப் பேட்டியே அளித்தார். இப்படி, தன் அதிகார பலம் முழுவதையும் இடைத்தேர்தலுக்காகத் தவறாகப் பயன்படுத்தியது த.வெ.க. அரசு. 5 நிமிடப் பேச்சிலேயே அனைத்தையும் விஜய் மாற்றிவிடுவார் எனக் கட்டமைக்கப்பட்ட போலி பிம்பம் நான்கே மாதங்களில் கிழிந்து தொங்கிவிட்டது. ஆட்சிக்கு வந்த இத்தனை குறுகிய காலத்தில் இப்படி ஒரு சரிவு எந்த முதலமைச்சருக்கும் இதுவரை ஏற்பட்டதில்லை. கல்லாப்பெட்டிக் கூட்டணிக் கட்சிகள் என விமர்சித்த கட்சிகளையே, இப்போது தன்னோடு இணைத்துக்கொண்டு தேர்தலைச் சந்தித்த நிலையிலும், அனைத்தையும் மீறி, ‘எப்படியாவது வெற்றி பெற்றால் போதும்’ என்ற மனநிலைக்கு அவர்களைத் தள்ளும் வகையில்தான் இடைத்தேர்தல் முடிவுகள் அமைந்துள்ளன. என்ன செய்தும், தி.மு.க. மீதான மக்களின் நம்பிக்கையை எதுவும் செய்ய முடியவில்லை. தி.மு.க.வை மட்டுமே குறிவைத்துப் பேசினார் முதலமைச்சர். ஆனால், தி.மு.க.வின் செல்வாக்கை அவரால் அசைக்க முடியவில்லை. இதில் மிகவும் முக்கியமானது, துர்நாற்றமெடுக்கும் துரோக சக்தியான த.வெ.க.வுக்கு எதிராகக் களம் கண்ட அனைத்துக் கட்சிகள் பெற்ற வாக்குகளும் ஆட்சிக்கு எதிரான வாக்குகள் என்பதுதான்! அவைதான் பெரும்பான்மை! இந்த அரசு மீண்டும் பெரும்பான்மை மக்களால் நிராகரிக்கப்பட்டுள்ளது. குதிரை பேரம், எம்.எல்.ஏ. ஷாப்பிங், பழிவாங்கும் நடவடிக்கைகள், அருவருப்பான பேச்சுகள், அசிங்கமான சைகைகள், ரீல்ஸ் எடுப்பதில் மட்டும் கவனம் ஆகியவற்றைத் தவிர்த்துவிட்டு இனியாவது மக்கள் பணிகளில் ஆட்சியாளர்கள் கவனம் செலுத்த வேண்டும் என்று கேட்டுக் கொள்கிறேன். தேர்தல் வெற்றி தோல்விகளைப் பற்றிக் கவலைப்படாமல் கொள்கை - இலக்கு என பயணிக்கும் உடன்பிறப்புகள் அனைவருக்கும் எனது மனமார்ந்த நன்றியை மீண்டும் தெரிவித்துக் கொள்கிறேன். களத்தில் கடும் போட்டியைக் கொடுத்து, ஆளும்கட்சியினரை அச்சத்தில் அலையவிட்ட கழக உடன்பிறப்புகளுக்கு நன்றியும் பாராட்டுகளும் தெரிவித்துக் கொள்கிறேன். தோளோடு தோள் நின்று உழைத்த அனைத்துக் கூட்டணிக் கட்சிகளின் தலைவர்கள், நிர்வாகிகள், தோழர்களுக்கும் எனது நெஞ்சார்ந்த நன்றிகள்! சினிமா கவர்ச்சியை மூலதனமாகக் கொண்டு, அதன் மூலமாக மக்களை ஏமாற்றி அதிகாரத்துக்கு வந்து கார்ப்பரேட் மாஃபியாக்கள் சிலரின் கைப்பாவையாக ஆட்சி நடத்தி வரும் முதலமைச்சர் விஜய்யின் முகத்திரையைக் கிழிக்கும் பரப்புரைப் பயணத்தை நாம் தினம்தோறும் தொய்வின்றித் தொடர்வோம். தமிழ்நாட்டுக்கு விரோதமான சக்திகளின் பிடியில் அவர் சிக்கி இருக்கிறார். அதை மக்கள் விரைவில் முழுமையாக உணர்வார்கள்.
— M.K.Stalin (@mkstalin) October 9, 2026

Oct 09, 2026, 5:24 pm IST

இடைத்தேர்தல் வெற்றி குறித்து முதல்வர் விஜய் பதிவு!

என் நெஞ்சில் குடியிருக்கும் அனைவருக்கும் வணக்கம். மதுராந்தகம் மற்றும் தாராபுரம் இடைத்தேர்தல் முடிவுகள் வெளிவந்துவிட்டன. மக்கள் மனத்தில் நம் தமிழக வெற்றிக் கழகத்திற்கென இருக்கும் முதன்மைச் சக்திக்கான முதலிடமும், நமது மனசாட்சி உள்ள மக்களாட்சி மீதான நம் சொந்தங்களின் ஆழ்மன விருப்பமும் மீண்டும் நிரூபிக்கப்பட்டு உள்ளன. வாக்குகளுக்கு ஒரு பைசா கொடுக்காமல், யாரையும் பட்டியில் அடைத்து அவமானப்படுத்தாமல், திருமங்கலம், ஈரோடு கிழக்கு ஃபார்முலா என்று எந்த ஃபார்முலாவும் இல்லாமல் அன்பு, பாச, உறவு ஃபார்முலா மற்றும் ஜனநாயகம் காக்கும் ஃபார்முலாவை வைத்து வென்ற தேர்தல் இது. தமிழகம், ஊழல் சக்திகளின் கோட்டை இல்லை. மாறாக, மாபெரும் மக்கள் சக்தியின் கோட்டை, மக்கள் மனத்தில் நீங்கா இடம் பெற்ற அன்பு மிக்க தூய சக்தியின் கோட்டை என்பதை நிரூபித்துள்ளது. தமிழக இடைத்தேர்தல் வரலாற்றில் இதுவரை இல்லாத வகையில், பணநாயகச் சூத்திரத்தையே அடித்து நொறுக்கிப் பெற்றுள்ள வெற்றியே இது. கண்டகண்ட பேரங்கள் நடந்ததாக அவதூறு பேசிய மிருகக் குணப் பேச்சுக்கு எல்லாம் மக்கள் தகுந்த பதிலடியைத் தரமாகத் தந்துள்ளனர். அப்படிப் பேசியவர்களை மக்கள் வெகுதூரத்தில் ஒதுக்கி வைத்து, அவர்கள் மனத்தில் மீண்டும் தோல்வி பாரத்தை ஏற்றி உள்ளனர். இரண்டு தொகுதிகளிலும் நாம் இரண்டு நாள்கள் பிரசாரம் மேற்கொண்டதை நக்கலாகவும் நையாண்டியாகவும் பேசியவர்களுக்குத்தான் இப்போது மக்கள் பதிலடி தந்துள்ளனர். இதேபோல கடந்த ஏப்ரல் மாதம் நடந்த சட்டமன்றப் பொதுத்தேர்தலிலும், தமிழகம் முழுக்கப் பிரசாரம் செய்ய அன்றைய தீய சக்தி தி.மு.க., நம்மை அனுமதித்து இருந்தால் என்ன நடந்திருக்கும் என்பதை மக்களிடமே கேட்டுத் தெரிந்துகொள்ளட்டும். நம்மைப் பொறுத்தவரை, என்றைக்கும் நாம் மக்கள் பக்கம்தான் நிற்போம். மக்களோடு மக்களாகத்தான் இரண்டறக் கலந்து இருப்போம். அது நம் கடமை மட்டுமன்று. மக்களுக்கான நமது நன்றிக் கடன் அது. எப்போதும் நம் தமிழக மக்களுக்காக முழுமூச்சுடன் நன்றி விசுவாசத்துடனேயே இருப்போம் என்பது நூறு சதவீதம் உறுதி. இந்த வேளையில், மதுராந்தகம் மற்றும் தாராபுரம் தொகுதிகளில் வாக்களித்து வெற்றி பெறச் செய்துள்ள நம் சொந்தங்கள் அனைவருக்கும் உங்கள் குடும்பத்தில் ஒருவனாக, உறவாக நன்றி சொல்வதில் மனம் மகிழ்கிறேன். நெஞ்சம் நெகிழ்கிறேன். இரண்டு தொகுதிகளிலும் வெற்றிக்காக உழைத்த மதச்சார்பற்ற சமூகநீதி வெற்றிக் கூட்டணியில் இடம்பெற்றுள்ள காங்கிரஸ், வி.சி.க., ம.தி.மு.க., இந்திய யூனியன் முஸ்லிம் லீக் கட்சிகளின் மதிப்பிற்குரிய தலைவர்களுக்கும், மாண்புமிகு அமைச்சர்களுக்கும், கூட்டணிக் கட்சிகளைச் சேர்ந்த மாநில, மாவட்ட மற்றும் அனைத்து நிலை நிர்வாகிகளுக்கும் நெஞ்சார்ந்த நன்றியைத் தெரிவித்துக்கொள்கிறோம். மேலும், எப்போதும் போலச் சிறப்பாகக் களப் பணியாற்றிய நம் மாண்புமிகு அமைச்சர்களுக்கும் மாநில, மாவட்ட மற்றும் அனைத்து நிலை த.வெ.க. நிர்வாகிகளான நம் தோழர்களுக்கும் நம் நெஞ்சார்ந்த நன்றியையும் பாராட்டுகளையும் தெரிவித்துக்கொள்கிறோம். இந்த இடைத்தேர்தலில், வெற்றிச் சின்னமாம் விசில் சின்னத்தில் போட்டியிட்டு வெற்றி பெற்றுள்ள நம் வேட்பாளர்களான சகோதரி திருமதி மரகதம் குமரவேல் (மதுராந்தகம் தொகுதி), சகோதரி திருமதி சத்தியபாமா (தாராபுரம் தொகுதி) ஆகியோருக்கும் நம் வாழ்த்துகளைத் தெரிவித்துக்கொள்கிறோம். இப்போதும் சொல்கிறேன். இந்த வெற்றி, தனிப்பட்ட இந்த விஜய்யின் வெற்றியோ, தனிப்பட்ட தமிழக வெற்றிக் கழகத்தின் வெற்றியோ அல்ல. இது முழுக்க முழுக்கப் பெண்கள் மீதான அவதூறு பேச்சுக்கு எதிரான வெற்றி. தரம் தாழ்ந்த வகையில் நடத்தப்பட்ட தனிப்பட்ட தாக்குதலுக்கு எதிரான வெற்றி. அப்பழுக்கற்ற தலைவர்களுக்கும் அவர்களின் தொண்டர்களுக்கும் செய்த துரோகத்திற்கு எதிரான வெற்றி. மொத்தத்தில், அரசியல் நாகரிகத்திற்குக் கிடைத்த வெற்றி. தனிமனித நாகரிகத்திற்குக் கிடைத்த வெற்றி. எல்லாவற்றுக்கும் மேலாக மக்களுக்குக் கிடைத்த வெற்றி. வாக்காளர்களுக்குக் கிடைத்த வெற்றி. இது இனிமேலும் தொடரும். தொடர்ந்தேதான் தீரும். மீண்டும் மீண்டும் இனிவரப் போகும் வெற்றிகளுக்கும் சேர்த்து இப்போதே நன்றி. நல்லதே நடக்கும். வெற்றி நிச்சயம்.
— TVK Vijay (@TVKVijayHQ) October 9, 2026

Oct 09, 2026, 5:19 pm IST

விசிக அங்கம் வகிக்கும் அணியே வெற்றி பெறும் என மக்கள் உறுதிப்படுத்திவிட்டனர். இடைத்தேர்தல் வெற்றி தவெக தலைமையிலான கூட்டணி அரசுக்கு மக்கள் கிடைத்த அங்கீகாரம். கூட்டணி ஆதரவோடு வெற்றி பெற்ற வேட்பாளர்களுக்கு வாழ்த்துக்கள்- எம்பியும் விசிக தலைவருமான திருமாவளவன்

Oct 09, 2026, 5:08 pm IST

மதுராந்தகம் மற்றும் தாராபுரம் என இரு தொகுதிகளிலும் நாம் தமிழர் மற்றும் இடதுசாரிகள் டெபாசிட் இழந்தன. இரு தொகுதிகளிலும் நாம் தமிழர் 4ஆவது இடத்தை பிடித்த நிலையில், இடதுசாரிகள் 5ம் தள்ளப்பட்டன. எவ்வளவு முடியுமோ அவ்வளவு தொகுதிகளிலும் இனி உதயசூரியனே போட்டியிட வேண்டும். நம் முதுகில் ஏறி சவாரி செய்துவிட்டு தங்களால் தான் திமுக வென்றது என்று கூறிவந்த SOFA துரோகிகள் அவர்களின் இடத்தை உணரட்டும். "எங்கள் தலைவர் 5 நிமிடங்கள் பேசினாலே ஒரு லட்சம் வாக்குகள் விழும்" என்று பில்டப் கொடுத்த தவெக, இரண்டு தொகுதிகளிலும் இவ்வளவு உருண்டும் பத்தாயிரத்துக்கும் இருபதாயிரத்துக்கும் குறைவான வாக்குகள் வித்தியாசத்திலேயே வென்றிருக்கிறது. இனியாவது அவர்கள் வானத்திலிருந்து இறங்கி பூமிக்கு வருவார்கள் என நம்புவோம். That was a good fight. திமுக மீண்டும் வெல்லும் - சத்யராஜ் மகள் திவ்யா சத்யராஜ்

Oct 09, 2026, 5:03 pm IST

Oct 09, 2026, 4:55 pm IST

தலைமை செயலகத்தில் முதல்வர் விஜய், அமைச்சர்கள் வெற்றி கொண்டாட்டத்தில் ஈடுபட்டனர்.

Oct 09, 2026, 4:46 pm IST

முதல்வர் விஜய்யின் 4 மாத நல்லாட்சிக்கான வெற்றி. வரும் நாட்களிலும் தவெகவின் நல்லாட்சி தொடரும். எடப்பாடி சுயநலத்திற்காக கட்சியை கைப்பற்றியுள்ளார் - தாராபுரம், மதுராந்தகம் தொகுதி இடைத்தேர்தல் முடிவுகள் குறித்து நிர்மல் குமார் பேட்டி

Oct 09, 2026, 4:31 pm IST

விஜய்க்கு காங்கிரஸ் கமிட்டி தலைவர் மாணிக்கம் தாகூர் வாழ்த்து தெரிவித்துள்ளார். கடந்த 4 மாதங்களாக மாண்புமிகு முதலமைச்சர் சி. ஜோசப் விஜய் ஆட்சிக்கு மக்கள் கொடுத்த நற்சான்றிதழாக இதை கருத வேண்டும் என மாணிக்கம் தாகூர் கூறியுள்ளார். அவர் மேலும், "த.வெ.க. ஆட்சிக்கு எதிராக தி.மு.க., அ.தி.மு.க. கட்டவிழ்த்துவிட்ட அவதூறு பிரச்சாரங்களை மக்கள் புறக்கணித்து த.வெ.க. வேட்பாளர்களை வெற்றி பெறச் செய்துள்ளனர். இந்த இடைத் தேர்தல் வெற்றி என்பது முதலமைச்சர் தலைமையிலான அரசுக்கு மக்கள் மிகப்பெரிய அங்கீகாரத்தை வழங்கியிருக்கிறார்கள் என்பதை காட்டுகிறது. தமிழ்நாட்டில் 25 ஆண்டுக்களுக்கு பிறகு ஒரு இடைத் தேர்தலுக்கு பணம் கொடுக்காத தேர்தலாக மாற்றி, இடைத் தேர்தலில் மிகப்பெரிய வெற்றி பெற்றிருக்கிற முதலமைச்சர் சி. ஜோசப் விஜய் அவர்களை பாராட்டுகிறேன், வாழ்த்துகிறேன்" என்று பதிவிட்டுள்ளார்.

Oct 09, 2026, 4:14 pm IST

பாமக தலைவர் அன்புமணிக்கு முதல்வர் விஜய் பிறந்தநாள் வாழ்த்து தெரிவித்துள்ளார். தொலைபேசியில் அழைத்து முதல்வர் விஜய் அன்புமணிக்கு வாழ்த்து தெரிவித்தார். அப்போது இடைத்தேர்தல் வெற்றிக்காக விஜய்க்கும் அன்புமணி வாழ்த்து கூறினார்.

Oct 09, 2026, 3:57 pm IST

மதுராந்தகம் தொகுதியிலும் தவெக வெற்றி மரகதம் குமரவேல் உறுதியாகியுள்ளது. வெற்றி வித்தியாசத்தை விட குறைவான வாக்குகளே எண்ண வேண்டி உள்ள நிலையில், தவெக வெற்றி உறுதியாகியுள்ளது.

Oct 09, 2026, 3:51 pm IST

Oct 09, 2026, 3:38 pm IST

தாராபுரம் தொகுதியில் தவெக வேட்பாளர் சத்தியபாமா வெற்றி! 5,699 வாக்குகள் மட்டுமே தாராபுரத்தில் எண்ண வேண்டிய நிலை உள்ளது. தவெக வேட்பாளர் சத்தியபாமா 10 ஆயிரம் வாக்குகள் முன்னிலையுடன் இருக்கிறார். இதனால் சத்தியபாமா வெற்றி உறுதியாகியுள்ளது.

Oct 09, 2026, 3:28 pm IST

மதுராந்தகம், தாராபுரம், புதுச்சேரி தட்டாஞ்சாவடி என 3 தொகுதிகளிலும் டெபாசிட் இழந்தது நாதக.. குறிப்பாக புதுச்சேரியில் நோட்டாவை விட குறைவான வாக்குகளையே நாம் தமிழர் கட்சி பெற்றுள்ளது.

Oct 09, 2026, 3:17 pm IST

Oct 09, 2026, 2:53 pm IST

வெற்றி கொண்டாட்டத்தில் தவெக தொண்டர்கள்!

பனையூரில் உள்ள தவெக தலைமை அலுவலகத்திற்கு உள்ளே வாக்கு எண்ணிக்கையின் செய்தியை நேரலையில் பார்த்துக்கொண்டு தொண்டர்கள் நடனமாடி உற்சாகம் கொண்டாட்டத்தில் ஈடுபட்டு வருகின்றனர். #TVKVijay‌ #ByElectionResult #PoliticsToday #Oneindia #OITamil #OIReels https://t.co/5zN2rAZZZE
— Oneindia Tamil (@thatsTamil) October 9, 2026

6:16 AM, 9 Oct

மதுராந்தகம் மற்றும் தாராபுரம் சட்டமன்ற தொகுதிகளுக்கான இடைத்தேர்தல் வாக்கு எண்ணிக்கை இன்று காலை 8 மணிக்கு தொடங்குகிறது. வாக்கு எண்ணும் மையங்களில் முன்னேற்பாடுகள் அனைத்தும் தயார் நிலையில் வைக்கப்பட்டுள்ளன.

6:18 AM, 9 Oct

இந்த இரு தொகுதிகளிலும் பொது தேர்தலில் அதிமுக சார்பில் வெற்றி பெற்ற எம்.எல்.ஏ-க்களான மரகதம் குமரவேல் மற்றும் பி.சத்யபாமா ஆகியோர் தங்கள் பதவியை ராஜினாமா செய்துவிட்டு தவெகவில் இணைந்ததால், தாராபுரம் மற்றும் மதுராந்தகம் தொகுதிகள் காலியானதாக அறிவிக்கப்பட்டு இந்த இடைத்தேர்தல் நடைபெறுகிறது.

6:25 AM, 9 Oct

வாக்கு எண்ணும் மையங்களில் முகவர்கள் வருகை!

6:28 AM, 9 Oct

தாராபுரம் தொகுதியில் சத்யபாமா (தவெக), சுகன்யா (திமுக), பானுமதி (அதிமுக), லட்சுமணன் (இந்திய கம்யூனிஸ்ட்), மற்றும் கார்த்திகா (நாம் தமிழர் கட்சி) ஆகிய 5 முக்கிய வேட்பாளர்கள் களத்தில் உள்ளனர்.

6:38 AM, 9 Oct

மதுராந்தகம் தொகுதியிலும் ஐந்து முனைப் போட்டி நிலவுகிறது. மரகதம் குமரவேல் (தவெக), பரந்தாமன் (திமுக), கணிதா சம்பத் (அதிமுக), சுகந்தி (மார்க்சிஸ்ட் கம்யூனிஸ்ட்), மற்றும் ஜானகிராமன் (நாம் தமிழர்) ஆகியோர் முக்கிய வேட்பாளர்களாக உள்ளனர்.

6:49 AM, 9 Oct

வாக்கு எண்ணும் மையங்களைச் சுற்றி பலத்த போலீஸ் பாதுகாப்பு!

6:59 AM, 9 Oct

தமிழகத்தின் மதுராந்தகம் மற்றும் தாராபுரம் இடைத்தேர்தல்களோடு சேர்த்து, புதுச்சேரி, அசாம் மற்றும் மேற்கு வங்கம் ஆகிய மாநிலங்களிலும் வாக்கு எண்ணிக்கை இன்று நடைபெறுகிறது. அசாமில் நாகான் லோக்சபா தொகுதி, மேற்கு வங்கத்தில் நந்திகாரம், ரெஜினாகர் தொகுதிகளில் வாக்கு எண்ணிக்கை நடைபெறுகிறது.

7:10 AM, 9 Oct

மதுராந்தகம் சட்டசபை தொகுதியில் வாக்கு எண்ணிக்கை சற்று நேரத்தில் தொடங்கவுள்ள நிலையில், வாக்கு எண்ணும் மையத்தில் பலத்த போலீஸ் பாதுகாப்பு போடப்பட்டுள்ளது.

#WATCH | Chennai, Tamil Nadu: Security has been tightened at the Integrated Social Development Training Centre in Aathur, Chengalpattu district, ahead of the counting of votes for the Madurantakam Assembly constituency by-election, scheduled to begin today. Polling was held on October 6.
— ANI (@ANI) October 9, 2026

7:18 AM, 9 Oct

வாக்கு எண்ணும் மையங்களைச் சுற்றி பலத்த போலீஸ் பாதுகாப்பு போடப்பட்டுள்ளது. பல அடுக்கு பாதுகாப்பு போடப்பட்டுள்ள நிலையில், அடையாள அட்டை உள்ளவர்கள் மட்டுமே மையத்திற்குள் அனுமதிக்கப்படுகின்றனர்.

7:23 AM, 9 Oct

தாராபுரம் தொகுதியில் இடைத்தேர்தல் வாக்கு எண்ணிக்கை நடைபெறவுள்ள எல்.ஆர்.ஜி. அரசு மகளிர் கலை மற்றும் அறிவியல் கல்லூரியில் பலத்த போலீஸ் பாதுகாப்பு பலப்படுத்தப்பட்டுள்ளது.

#WATCH | Tiruppur, Tamil Nadu: Security has been tightened at LRG Government Arts and Science College for Women ahead of the counting of votes for the Dharapuram Assembly by-election. https://t.co/DLZnJtMdwv
— ANI (@ANI) October 9, 2026

7:29 AM, 9 Oct

மதுராந்தகம் தொகுதியில் நடந்து முடிந்த இடைத்தேர்தலில் ஒட்டுமொத்தமாக 85.99% வாக்குகள் பதிவாகியுள்ளன. இதற்கு முந்தைய சட்டமன்றப் பொதுத் தேர்தலில் இத்தொகுதியின் வாக்குப்பதிவு 93.22% ஆகப் பதிவாகியிருந்தது. கடந்த பொதுத் தேர்தலுடன் ஒப்பிடுகையில் இந்த இடைத்தேர்தலில் வாக்குப்பதிவு சதவீதம் சற்று குறைந்துள்ளது.

7:35 AM, 9 Oct

தாராபுரம் தொகுதியில் நடைபெற்று முடிந்த இடைத்தேர்தலில் மொத்தமாக 80% வாக்குகள் பதிவாகியுள்ளன. சட்டமன்றப் பொதுத் தேர்தலில் தாராபுரம் தொகுதியில் 89.89% வாக்குகள் பதிவாகியிருந்தன. மதுராந்தகத்தைப் போலவே தாராபுரத்திலும் பொதுத்தேர்தலை விட இடைத்தேர்தலில் குறைவான வாக்கு சதவீதமே பதிவாகியுள்ளது.

7:41 AM, 9 Oct

வாக்கு எண்ணும் மையங்களில் அனைத்து முன்னேற்பாடுகளையும் செய்து வரும் அதிகாரிகள்!

7:48 AM, 9 Oct

தேர்தல் பார்வையாளர்கள் மற்றும் முக்கிய வேட்பாளர்களின் முகவர்கள் முன்னிலையில், வாக்குப்பதிவு இயந்திரங்கள் பாதுகாப்பாக வைக்கப்பட்டுள்ள ஸ்ட்ராங் ரூம் சீல் அகற்றப்பட்டு திறக்கப்பட்டது.

7:50 AM, 9 Oct

வாக்கு எண்ணிக்கை முன்னேற்பாடுகளைச் செங்கல்பட்டு மற்றும் திருப்பூர் மாவட்ட ஆட்சியர்கள் நேரில் ஆய்வு செய்தனர்.

7:52 AM, 9 Oct

திருப்பூரில் பலத்த போலீஸ் பாதுகாப்பு போடப்பட்டுள்ளது!

#WATCH | Tiruppur, Tamil Nadu: Security has been tightened in Tiruppur ahead of the Dharapuram Assembly by-election voting. Police started barricading the city. https://t.co/q71jgKUIvd
— ANI (@ANI) October 9, 2026

7:54 AM, 9 Oct

முதலில் தபால் வாக்குகள் எண்ணப்பட உள்ளதால், பாதுகாப்பாக வைக்கப்பட்டுள்ள தபால் வாக்கு பெட்டிகள் சீல் பிரிக்கப்பட்டு வாக்கு எண்ணும் மேசைகளுக்கு பலத்த பாதுகாப்புடன் கொண்டு வரப்படுகின்றன.

8:00 AM, 9 Oct

சரியாக காலை 8:00 மணிக்கு வாக்கு எண்ணிக்கை தொடங்கியது.. முதலில் தபால் வாக்குகள் எண்ணப்பட்டு வருகின்றன. இன்னும் சற்று நேரத்தில் முதல் கட்ட முன்னணி நிலவரங்கள் வெளியாகும் என எதிர்பார்க்கப்படுகிறது.

8:03 AM, 9 Oct

மதுராந்தகத்தில் மொத்தம் 893 தபால் வாக்குகள் பதிவாகி இருந்த நிலையில், அதை எண்ணும் பணிகள் தொடங்கியுள்ளது.

8:04 AM, 9 Oct

மதுராந்தகத்தில் 14 மேஜைகளில் 21 சுற்றுகளாக வாக்கு எண்ணிக்கை நடைபெறுகிறது. தாராபுரத்தில் 14 மேஜைகளில் 23 சுற்றுகளாக வாக்கு எண்ணிக்கை நடைபெறுகிறது.

8:05 AM, 9 Oct

மதுராந்தகத்தில் வாக்கு எண்ணிக்கை தொடங்கியுள்ள நிலையில், வாக்கு எண்ணும் மையத்தை சுற்றி பலத்த போலீஸ் பாதுகாப்பு போடப்பட்டுள்ளது.!

#WATCH | Chengalpattu, Tamil Nadu: Security has been tightened at the Integrated Social Development Training Centre in Aathur, Chengalpattu district, ahead of the counting of votes for the Madurantakam Assembly constituency by-election, scheduled to begin today. Polling was held on October 6.
— ANI (@ANI) October 9, 2026

8:06 AM, 9 Oct

தாராபுரம் தபால் வாக்கு எண்ணிக்கையில் தவெக முன்னிலை வகிக்கிறது. முதற்கட்டமாக தவெக 26 வாக்குகள், திமுக 19 வாக்குகள், அதிமுக 9 தபால் வாக்குகள் பெற்றுள்ளன.

8:09 AM, 9 Oct

தாராபுரம் தொகுதியில் வாக்கு எண்ணும் மையத்திற்குள் நாதக முகவர்களை அனுமதிக்க மறுப்பதாக புகார் எழுந்துள்ளது. இதனால் வாக்கு எண்ணும் மையத்தில் பரபரப்பான சூழல் ஏற்பட்டுள்ளது.!

8:12 AM, 9 Oct

தபால் வாக்குகளை எண்ணும் பணி தொடங்கி நடந்து வருகிறது!

8:19 AM, 9 Oct

மதுராந்தகம் தொகுதியில் முதற்கட்டமாக தவெக 43 தபால் வாக்குகளை பெற்றுள்ளன. திமுக 35 தபால் வாக்குகளையும், அதிமுக 17 தபால் வாக்குகளையும் பெற்றுள்ளன.

8:24 AM, 9 Oct

வாக்கு எண்ணிக்கை தீவிரம்!

8:27 AM, 9 Oct

புதுச்சேரி தட்டாஞ்சாவடியில் தபால் வாக்குகளில் என்ஆர் காங்கிரஸ் முன்னிலை வகிக்கிறது.

8:32 AM, 9 Oct

மதுராந்தகம், தாராபுரத்தில் மின்னணு வாக்குப்பதிவு இயந்திரங்களில் பதிவான வாக்குகளை எண்ணும் பணிகள் தொடங்கியுள்ளது.

8:37 AM, 9 Oct

மதுராந்தகம் இடைத்தேர்தலில் மொத்தம் 893 தபால் வாக்குகள் பதிவாகி இருந்தன. இரண்டு மேஜைகளில் தபால் வாக்கு எண்ணிக்கை தொடங்கி நடந்து வருகிறது. தபால் வாக்குகளில் இப்போது வரை தவெக வேட்பாளர் 95 வாக்குகளை பெற்றுள்ளார். திமுக வேட்பாளர் 79 வாக்குகளையும், அதிமுக வேட்பாளர் 43 வாக்குகளையும் பெற்றுள்ளார். நாதக மற்றும் இடதுசாரி வேட்பாளர்கள் இதுவரை எந்தவொரு தபால் வாக்கையும் பெறவில்லை!

8:39 AM, 9 Oct

பரபரக்கும் வாக்கு எண்ணிக்கை மையம்!