வாக்குப்பெட்டி மாறியதாக அதிமுக முகவர்கள் கூச்சல்! மதுராந்தகத்தில் வாக்கு எண்ணிக்கை நிறுத்தம்
செங்கல்பட்டு: மதுராந்தகம் தொகுதியில் வாக்குப்பதிவு எந்திரம் மாற்றப்பட்டதாக கூறி அதிமுக முகவர்கள் தொடர்ந்து வாக்குவாதத்தில் ஈடுபட்டதால் வாக்கு எண்ணிக்கை நிறுத்தப்பட்டது. 9-வது சுற்று எண்ணும் போது வாக்குப்பதிவு எந்திரம் மாற்றப்பட்டதாக அதிமுக முகவர்கள் புகார் தெரிவித்த நிலையில் வாக்குப்பதிவு நிறுத்தப்பட்டது.
பின்னர் செங்கல்பட்டு எஸ்பி அய்மன் ஜமால் தலைமையில் போலீசார் அங்கு உடனடியாக வருகை தந்தனர். இதையடுத்து 15 நிமிடங்கள் கழித்து மீண்டும் வாக்குப்பதிவு எண்ணும் பணி தொடங்கியது. மதுராந்தகம் தொகுதியில் 9-வது சுற்று முடிவில் தவெக தொடர்ந்து முன்னிலை பெற்றுள்ளது.
வாக்கு எண்ணிக்கை
மதுராந்தகம் தொகுதியில் பதிவான வாக்குகள் இன்று காலை 8 மணி முதல் எண்ணப்பட்டு வருகின்றன. இதில், தபால் வாக்கில் இருந்தே தவெக முன்னிலை பெற்றது. தவெக தொடர்ந்து முன்னிலை பெற்று வருகிறது. 9 சுற்றுகள் முடிந்துள்ள நிலையில், மதுராந்தகத்தில் வாக்கு எண்ணிக்கை நிறுத்தப்பட்டுள்ளதாக தகவல் வெளியாகியுள்ளது.
வாக்கு எண்ணிக்கை நிறுத்தம்
79-வது பெட்டியில் இருந்த வாக்கு இயந்திரம் சரியாக வேலை செய்யவில்லை என்று அதிமுக முகவர்கள் குற்றம் சாட்டியதாகவும், அதேபோல, சில வாக்குப்பதிவு இயந்திரங்களில் சீல்கள் சரியாக இல்லை என்று அதிமுக, திமுக அதிருப்தியை வெளிப்படுத்தியதாக கூறப்படுகிறது. அதேபோல, இரண்டு மெஷின்கல் வரை சரியாக வேலை செய்யவில்லை என்று எடுத்து வைத்து இருப்பதாகவும் கூறப்படுகிறது.
இந்த நிலையில்தான், வாக்கு எண்ணும் மையத்தில் பெட்டிகள் மாற்றப்பட்டு இருப்பதாக அதிமுக மற்றும் திமுக முகவர்கள் கூச்சல் குழப்பத்தில் ஈடுபட்டதால் அங்கு வாக்கு எண்ணிக்கை தற்காலிகமாக நிறுத்தப்பட்டுள்ளது. இதனால், அங்கு பரபரப்பான சூழல் நிலவியதால், செங்கல்பட்டு எஸ்பி அய்மன் ஜமால் தலைமையில் போலீசார் அங்கு உடனடியாக வருகை தந்துள்ளனர்.
வாக்கு எண்ணிக்கை மீண்டும் தொடங்கியது
துணை ராணுவமும் உள்ளே வந்த நிலையில் அதிகாரிகள் தலையிட்டதையடுத்து அங்கு இயல்பு நிலை திரும்பியது. இதனால், 15 நிமிடத்திற்கு பிறகு மீண்டும் அங்கு வாக்கு எண்ணிக்கை தொடங்கியுள்ளது.
Click it and Unblock the Notifications
Sign in with Google
