புத்தாண்டையொட்டி விற்பனைக்கு வரும் "சின்னம்மா காலண்டர்" குவியும் ஆர்டர்கள் !

புத்தாண்டை முன்னிட்டு சசிகலா படம் அச்சிடப்பட்ட காலண்டர்களுக்கு ஆர்டர்கள் குவியத் துவங்கியுள்ளது.

கோவை: புத்தாண்டை முன்னிட்டுசசிகலாவின் படம் அச்சிடப்பட்ட பாக்கெட் கார்டுகள், காலண்டர்களுக்கு கோவை கடைகளில் ஆர்டர்கள் குவியத் தொடங்கியுள்ளன.

தமிழக முன்னாள் முதல்வரும் அதிமுகவின் பொதுச் செயலாளருமான ஜெயலலிதா மறைவை அடுத்து கட்சியின் பொதுச்செயலாளராக ஜெயலலிதாவின் தோழி சசிகலா தலைமை ஏற்க வேண்டும் என்ற கருத்து பரபரப்பாக பேசப்பட்டு வருகிறது.

அதிமுகவின் தலைமை பொறுப்பை ஏற்க சசிகலாவுக்கு அழைப்பு விடுக்கும் வகையில் அவரது ஆதரவாளர்கள் போய்ஸ்டர்களை ஒட்டி வருகின்றனர். ஒருதரப்பினர் சசிகலாவுக்கு ஆதரவும், மற்றொரு தரப்பினர் எதிர்ப்பும் தெரிவித்து வருகின்றனர். இதனிடையே சசிகலாவின் போஸ்டர்களில் கருப்பு மை உள்ளிட்டவற்றையும் பூசும் சம்பவங்களும் அரங்கேறி வருகிறது. விடுகின்றனர்

அதே நேரத்தில் முதல்வர் பன்னீர்செல்வம் முதல் அதிமுகவின் மூத்த நிர்வாகிகள், அமைச்சர்கள், எம்.எல்.ஏக்கள், மாவட்ட நிர்வாகிகள், ஒன்றிய நிர்வாகிகள் என பலரும் சசிகலாவுக்கு ஆதரவு தெரிவித்துள்ளனர்.

இந்நிலையில் 2017ம் ஆண்டு புத்தாண்டு காலண்டர்களின் வடிவமைப்பில் கூட சசிகலாவை முன் நிறுத்தி தாயாரிக்க சொல்லி கடைகளில் ஆர்டர் அளித்து வருகின்றனர் அதிமுகவினர். கோவை மாவட்டத்தில் சசிகலா படம் போட்ட பாக்கெட் கார்டுகளுக்கு ஆர்டர்கள் குவிந்து வருகிறது. மேலும் புத்தாண்டையொட்டி சசிகலா படம் போட்ட காலண்டர்களுக்கும் அதிமுகவினர் ஆர்டர் கொடுத்துள்ளதாக கூறப்படுகிறது.

English summary

calender's and cards order for sasikala supporters