டின்னர் வித் ஒபாமா!...லைக்ஸ் அள்ளும் ஜஸ்ட்டின் ட்ரூடேவின் கேஷூவல் போட்டோ!
சமூக வலைதளத்தில் வைரலாகி வருகிறது ஒபாமா, ஜஸ்ட்டின் ட்ரூடே கேஷூவல் போட்டோ.
சென்னை : உலக இளம் தலைவர்கள் என்று புகழப்படும் பராக் ஒபாமாவும், கனட பிரதமர் ஜஸ்டின் ட்ரூடேவும் சந்தித்து பேசிய புகைப்படம் சமூக வலைதளத்தில் வெளியாகியுள்ளது.
உலக நாடுகளில் உள்ள அரசியல் தலைவர்களில் பராக் ஒபாமாவிற்கு அடுத்தபடியாக மக்களை அணுகுவதில் நல்ல பண்பாளர் என்ற பெருமையை பெற்றவர் கனடா பிரதமர் ஜஸ்ட்டின் ட்ரூடே. 45 வயதான கனடாவின் பிரதமர் ஜஸ்டின் ட்ரூடேவும் உலக அளவில் சிறப்பாக பணியாற்றும் இளமையான தலைவர் என்று புகழப்படுகிறார்.
இந்நிலையில் கனடா சென்றுள்ள முன்னாள் அமெரிக்க அதிபர் பராக் ஒபாமா பிரதமர் ஜஸ்ட்டின் ட்ரூடேவை சந்தித்துள்ளார். சாதாரண ரெஸ்டாரண்ட் ஒன்றில் எதிர்எதிரே அமர்ந்து இருவரும் பேசும் புகைப்படம் ஜஸ்ட்டின் ட்ரூடேவின் முகநூல் பக்கத்தில் வெளியாகியுள்ளது.
அந்தப் பதிவில் நன்றி ஒபாமா என்ற ஜஸ்ட்டின் தெரிவித்துள்ளார். மேலும் ஒவ்வொரு சமூகத்திலும் உள்ள இளம் தலைவர்களை எப்படி செயல்படவைப்பது என்பது குறித்து உரையாடினோம். என் சொந்த ஊருக்கு வந்த ஒபாமாவுக்கு நன்றி' என்று ஜஸ்ட்டின் கூறியுள்ளார். பிரதமர் ஜஸ்ட்டினின் இந்த புகைப்படம் சமூக வலைதளங்களில் வைரலாக பரவி வருகிறது.