கிருஷ்ணகிரி அருகே கார் மீது லாரி மோதி விபத்து.. சினிமா துணை நடிகை பலி

கிருஷ்ணகிரி: கிருஷ்ணகிரியில் லாரி மீது கார் மோதியதில் அதில் பயணம் துணை நடிகை ஒருவர் பலியானார். மற்றொருவர் படுகாயமடைந்து மருத்துவமனையில் சிகிச்சை பெற்று வருகிறார்.

அனுஷா மற்றும் பவானி ஆகியோர் சினிமா துணை நடிகைகள். துபாயில், தமிழ் சினிமா படப்பிடிப்பில் பங்கேற்று, நேற்று முன்தினம் இரவு, சென்னை விமான நிலையத்திற்கு வந்தனர். பின், அங்கிருந்து, 'மாருதி சுசுகி டிசைர்' வாடகை காரில் பெங்களூருக்கு புறப்பட்டனர். அந்த வாடகை கார், கிருஷ்ணகிரி தர்கா பகுதியில் நின்றுகொண்டிருந்த லாரி மீது எதிர்பாராதவிதமாக மோதியது.

அதில் பயணம் செய்த அனுஷா அதே இடத்தில் பலியானார். பவானி பலத்த காயங்களுடன் மருத்துவமனையில் சிகிச்சைக்காக அனுமதிக்கப்பட்டுள்ளார். காவல்துறையினர் வழக்குப் பதிவு செய்து விசாரணை மேற்கொண்டு வருகின்றனர்.

தேசிய நெடுஞ்சாலைகளில் சாலை விபத்துகள் அதிகம் நடக்கின்றன. மது அருந்திவிட்டு வாகனம் ஓட்டுவது, அதிக வேகம் இவையெல்லாம் காரணம் என தெரிந்தும் மீண்டும் மீண்டும் அதே தவறுகளைச் செய்வதால் விபத்துகள் அதிகரித்துக்கொண்டே இருப்பது குறிப்பிடத்தக்கது.

English summary

A car met with an accident near Krishnagiri and supporting actress Anusha died there itself and another supporting actress Bhavani got severe injuries.