அன்புமணி ஏன் மங்கள்யான் போற பாதையை முறைச்சு பாக்குறாரு...

By Mayura Akilan

Updated: Monday, July 13, 2015, 8:52 [IST]

Subscribe to Oneindia Tamil

சென்னை: ஞாயிறு அதிகாலையில் சென்னை நகரம் முழுவதும் முக்கிய இடங்களில் போஸ்டர்களில் அன்புமணி இடம் பிடித்திருந்தார். பிரபல நாளிதழ்களில் முழு பக்க விளம்பரம் ஒரு பக்கமல்ல இரண்டு பக்கம். எல்லாமே ‘மாற்றம், முன்னேற்றம் அன்புமணி' என்ற வாசகம்தான். விளம்பர வாசகம் எல்லாம் சரிதான் ஆனால் அன்புமணிதான் எங்கே மேல் நோக்கி வெறித்து பார்த்துக்கொண்டிருந்தார்.

தூக்க கலக்கத்தில் எழுந்து போஸ்டரையோ, தினசரியையோ பார்த்தவர்கள் கொஞ்சம் மிரண்டுதான் போயிருப்பார்கள்.

ஏதோ திரில்லர் படம். அன்புமணி நடிக்கப்போகிறார் என நினைத்திருப்பார்கள் மக்கள். கீழே சின்ன எழுத்தில் anbumani4cm.com என்றிருந்தது. அப்புறம்தான் தெரிந்தது இது பாட்டாளி மக்கள் கட்சியின் தேர்தல் பிரச்சாரத்திற்காக புதிய இணையதள பக்கத்தை விளம்பரப்படுத்த ஒட்டப்பட்ட போஸ்டர் என்று. அதோடு நேற்றைய தினம் கோவையில் கொங்கு மண்டல மாநாடு நடத்தியது அதை விளம்பரப்படுத்தவும் இப்படி ஒரு விளம்பரத்தை கொடுத்திருந்தது பாட்டாளி மக்கள் கட்சி.

சட்டசபை தேர்தல்

2016ம் ஆண்டு சட்டசபைத் தேர்தலுக்கு பாட்டாளி மக்கள் கட்சி தயாராகி வருகிறது. முதல்வர் வேட்பாளர் அன்புமணி ராமதாஸ் இதற்காக ஆயத்தமாகி வருகிறார். அதன்ஓருபகுதியாக, anbumani4cm.com என்ற இணையதள பக்கத்தை தொடங்கியுள்ளார். அதில் "புதியதோர் தமிழகம் செய்வோம்" என்ற முழக்கத்தை முன்வைத்து பிரச்சாரத்தை தொடங்கியிருக்கிறார்.

மாற்றம் முன்னேற்றம்

பாட்டாளி மக்கள் கட்சியில் தொண்டர்களை சேர்க்கவும் அதில் ஏற்பாடு செய்யப்பட்டுள்ளது. மேலும், மாற்றம், முன்னேற்றம், அன்புமணி என்ற வாசகங்களுடன் நாளிதழில் விளம்பரமாகவும், போஸ்டர்களாகவும் பாட்டாளி மக்கள் கட்சியினர் வெளியிட்டுள்ளனர்.

முழுமூச்சாய் களமிறங்கியது

சட்டசபை தேர்தலுக்கு இப்போதிருந்தே முழு மூச்சாய் களமிறங்கியுள்ள பாட்டாளி மக்கள் கட்சி, அன்புமணியை முன்னிறுத்தி, தனது தேர்தல் பிரச்சாரத்தை தொடங்கியிருக்கிறது. இதற்காகவே போஸ்டர், இணையதளபக்கம், விளம்பரம் என ஆரம்பித்து விட்டது பாமக.

மாற்றம் முன்னேற்றம் மங்குனி. pic.twitter.com/Pwu6SYNZEO
— Deera (@King_Deera) July 12, 2015

டுவிட்டரில் கமெண்ட்

விளம்பரம் எல்லாம் சரிதான் அதற்கு நம் டுவிட்டர்வாசிகள் அடித்த கமெண்டுகளை படிங்க... நீங்களும் சிரிங்க. வடிவேலு பாணியில் இவர் அடித்த கமெண்ட் குபீர் சிரிப்பை வரவழைக்காமல் போகாது.

மாற்றம் முன்னேற்றம் அப்புறம் என் குடும்பம் 😂😂😂😂 pic.twitter.com/A6buKltaLJ
— டானு டானு டானு (@krajesh4u) July 12, 2015

தீபாவளி ரிலீசா?

ஏதோ சினிமா போஸ்டர் போலவே ஒட்டப்பட்டிருக்கிறது. நாளிதழ் விளம்பரமும் அப்படியே இருக்கவே குட்டீஸ்களின் கேள்விகளுக்குத்தான் பதில் சொல்ல முடியாமல் திணறிப் போனார்கள் அதற்குத்தான் இந்த கமெண்ட்.

மாற்றம்..முன்னேற்றம்..அன்புமணி.. அனைத்து செய்திதாள்களிலும் விளம்பரம்#விளம்பரம் குடுத்தா ஓட்டு வரும்னு யாருடா சொன்னா.. pic.twitter.com/t3VMMZee46
— இராம.மோகன் (@Nanbaendaaa) July 12, 2015

ஓட்டு வருமா பாஸ்

பக்கத்திற்குப் பக்கம் விளம்பரம்... பார்க்கும் இடங்களில் எல்லாம் போஸ்டர் ஒட்டினால் ஓட்டு கிடைக்குமா என்று கேட்கிறார் ஒரு வலைஞர்.

மாற்றம் முன்னேற்றம் அன்புமணி ஒரு பக்க விளம்பரமெல்லாம் ஓகே தான்.. ஆனா அவர் ஏன் மங்கள்யான் போன பாதையையே வெறிச்சி பாக்குறாரு..!
— ஒ.உ.சிந்தனைகள் (@bommaiya) July 12, 2015