ஆட்டோ மீட்டர் பொருத்த காலக்கெடு 2 நாள் நீட்டிப்பு!

சென்னை: சென்னையில் ஆட்டோ மீட்டர் பொருத்த இன்று விதிக்கப்பட்டிருந்த கடைசி காலக்கெடு மேலும் 2 நாட்களுக்கு நீட்டிக்கப்பட்டுள்ளது.

சென்னையில் உள்ள 72 ஆயிரம் ஆட்டோக்களுக்கும் கடந்த ஆகஸ்ட் மாதம் 25ந் தேதி மீட்டர் கட்டணத்தை தமிழக அரசு நியமித்தது. இதன் மூலம் முதல் 1.8 கி.மீ 25 ரூபாயும் அடுத்த ஒவ்வொரு கிலோ மீட்டருக்கு 12 ரூபாயும், அதேபோல இரவு நேரங்களில் இதே கட்டணத்தில் 50% அதிகமாக கட்டணம் வசூலிக்க தமிழக அரசு நிர்ணயித்ததை அடுத்து கட்டணம் அமலுக்கு வந்தது.

இதையடுத்து, ஆட்டோக்களில் கட்டணம் திருத்தப்பட்ட மீட்டரை பொருத்துவதற்கு இன்று கடைசி நாள் என அறிவிக்கப்பட்டிருந்தது. இந்த காலக்கெடு இன்றுடன் முடிவடைய இருந்தது. ஆனால் சென்னையில் இதுவரை 40% ஆட்டோக்கள் மட்டுமே மீட்டர்களை பொருத்தியுள்ளன. மற்ற ஆட்டோக்கள் மீட்டர்களை பொருத்தவில்லை.

இதனால் மீட்டர் பொருத்த காலக்கெடு மேலும் 2 நாள் நீட்டிக்கப்பட்டுள்ளது. 2 நாட்களுக்குள் மீட்டர் பொருத்தப்படாவிட்டால் அந்த ஆட்டோக்களை பறிமுதல் செய்ய போக்குவரத்து காவல்துறையினர் தயாராகி வருகின்றனர்.

English summary

The Tamilnadu government today extend the deadline for recalibration of Auto meters to another 2 days.