இந்த சீசனில்.. சென்னையில்.. முதல் முறையாக வெப்பநிலை 100 டிகிரியைத் தாண்டியது!
சென்னை: தமிழகத்தின் பல முக்கிய நகரங்கள் எல்லாம் 100 டிகிரி பாரன்ஹீட்டைத் தாண்டி வெயிலில் வறுபட்டுக் கொண்டிருந்த நிலையில் சென்னை மட்டும் தப்பி வந்தது. இந்த நிலையில் சென்னையும் தற்போது 100 டிகிரி பட்டியலில் இணைந்து விட்டது.
இந்த வெயில் காலத்தில் நேற்றுதான் முதல் முறையாக சென்னையில் வெயில் 100 டிகிரியைத் தாண்டி போனது. நேற்று சென்னையில் அதிகபட்ச வெப்ப நிலையாக 104 டிகிரி வெயில் வெளுத்தெடுத்தது.
வெயில் அதிகமாக இருந்ததால் மக்கள் பெரும் அவதிக்குள்ளானார்கள். சென்னை மட்டுமல்லாமல் வட தமிழகமே நேற்று கடும் வெயிலில் சிக்கி வறுபட்டுப் போனது.
நேற்று சென்னையில் பதிவான 104 டிகிரி வெயில் என்பது கடந்த 2006ம் ஆண்டு ஏப்ரல் மாதத்திற்குப் பிறகு பதிவான அதிகபட்ச வெப்ப நிலையாகும் என்று வானிலை ஆய்வு மையம் தெரிவித்துள்ளது.
நுங்கம்பாக்கம் மையத்தில் 104 ஆக பதிவான வெப்ப நிலை, மீனம்பாக்கத்தில் 107 ஆக இருந்தது என்பது குறிப்பிடத்தக்கது.
இன்று பிற்பகல் 12 மணி நிலவரப்படி சென்னையில் 100 டிகிரி வெயில் அடித்தது.
Click it and Unblock the Notifications
Sign in with Google