சொடக்கு மேல சொடக்கு பாடலை ஆங்கிலத்தில் மொழிப்பெயர்த்து தர சென்னை ஹைகோர்ட் உத்தரவு!
‘தானா சேர்ந்த கூட்டம்’ படத்தில் இடம்பெற்றுள்ள சொடக்கு மேல சொடக்கு பாடலை மொழி பெயர்த்து தர சென்னை உயர்நீதிமன்றம் உத்தரவிட்டுள்ளது.
Recommended Video
சென்னை: 'தானா சேர்ந்த கூட்டம்' படத்தில் இடம்பெற்றுள்ள சொடக்கு மேல சொடக்கு பாடலை மொழி பெயர்த்து தர சென்னை உயர்நீதிமன்றம் உத்தரவிட்டுள்ளது.
விக்னேஷ் சிவன் இயக்கத்தில் சூர்யா நடித்துள்ள படம் 'தானா சேர்ந்த கூட்டம். பொங்கலுக்கு வெளியான இந்தப்படத்தில் கீர்த்தி சுரேஷ், கார்த்திக், ரம்யா கிருஷ்ணன், ஆர்.ஜே.பாலாஜி ஆகியோர் முக்கிய வேடங்களில் நடித்துள்ளனர்.
இந்தப் படத்துக்கு அனிருத் இசையமைத்துள்ளார். தானா சேர்ந்த கூட்டம் படத்தில் இடம்பெற்றுள்ளது 'சொடக்கு மேல சொடக்கு போடுது' பாடல்.
எதிராக வழக்கு
இந்தப் பாடலுக்கு ரசிகர்கள் மத்தியில் பெரும் வரவேற்பு கிடைதுள்ளது. இந்நிலையில் இந்தப் பாடலில் உள்ள சில வரிகளை நீக்கக்கோரி சென்னை உயர்நீதிமன்றத்தில் அதிமுக நிர்வாகி ஒருவர் வழக்கு தொடர்ந்தார்.
விரட்டி விரட்டி வெளுக்க..
அதாவது சொடக்கு மேல சொடகுக்கு போடுது பாடலில் உள்ள "அதிகார திமிரை விரட்டி விரட்டி வெளுக்க தோணுது" என்ற வரிகள் வன்முறையை தூண்டும் விதத்திலும், அரசியல்வாதிகளுக்கு எதிராக தாக்குதல் நடத்தும் நோக்கத்துடன் எழுதப்பட்டுள்ளதாகவும், இந்த வரிகளை நீக்குமாறு உத்தரவிட வேண்டும் என அதிமுகவைச் சேர்ந்த சதீஷ்குமார் என்பவர் தனது மனுவில் தெரிவித்திருந்தார்.
அரசியல்வாதிகளை கிண்டலடிக்கும்
மேலும் ‘சொடக்கு மேல சொடக்கு போடுது' பாடலில் அரசியல்வாதிகளை கிண்டலடிக்கும் வகையிலும், வன்முறையைத் தூண்டும் வகையிலும் வரிகள் உள்ளன. இதுகுறித்து நடவடிக்கை எடுக்கக்கோரி சென்னை போலீஸ் கமிஷனரிடம் புகார் கொடுத்தும் நடவடிக்கை இல்லை என்றும் அவர் தெரிவித்திருந்தார்.
ஆங்கிலத்தில் மொழி பெயர்க்க..
எனவே, தனது புகார் மீது நடவடிக்கை எடுக்குமாறு உத்தரவிட வேண்டும்' என்று கூறப்பட்டிருந்தது. இந்த மனு இன்று மீண்டும் விசாரணைக்கு அப்போது சொடக்கு மேல சொடக்கு பாடலை ஆங்கிலத்தில் மொழி பெயர்த்து தர வேண்டும் என நீதிபதிகள் உத்தரவிட்டுள்ளனர்.