சென்னை மற்றும் புறநகர் பகுதிகளில் இன்று மழையாம்ப்பா!

சென்னை: சென்னை மற்றும் புறநகர் பகுதிகளில் இன்று மழைக்கு வாய்ப்பு என்று சென்னை வானிலை ஆய்வு மையம் தெரிவித்துள்ளது.

சென்னை மற்றும் புறநகர் பகுதிகளில் கடந்த சில தினங்களாக காலையில் லேசான வெயில் காய்வதும் மாலை நேரங்களில் மழை கொட்டுவதும் வாடிக்கையாக உள்ளது.

இந்நிலையில் இன்றும் சென்னையில் மழை பெய்ய வாய்ப்பு என்று வானிலை ஆய்வு மையம் தெரிவித்துள்ளது. இதுகுறித்து சென்னை வானிலை ஆய்வு மையம் வெளியிட்ட அறிக்கையில் தமிழகம் மற்றும் புதுச்சேரியின் ஓரிரு இடங்களில் இடியுடன் கூடிய மழைக்கு வாய்ப்பு உள்ளது.

மீனவர்கள் மத்திய, வடமேற்கு வங்கக்கடல் பகுதிகளுக்கு மீன் பிடிக்க செல்ல வேண்டாம். சென்னை மற்றும் புறநகரில் மிதமான மழைக்கு வாய்ப்புள்ளது என்று வானிலை ஆய்வு மையம் தெரிவித்துள்ளது.

English summary

Chennai Meteorological Centre says that there is a chance for rain in Chennai and sub urban areas.