பாதுகாப்பு ஏற்பாடுகள் குறித்து சென்னை போலீஸ் கமிஷனர் துணை ஆணையர்களுடன் ஆலோசனை!

சென்னை: மயிலாப்பூர் துணை ஆணையர் அலுவலகத்தில் போலீஸ் கமிஷனர் விஸ்வநாதன் துணை ஆணையர்களுடன் ஆலோசனை நடத்தி வருகிறார்.

கருணாநிதியின் உடல்நிலையில் பின்னடைவு ஏற்பட்டிருப்பருதாகவும், 24 மணி நேரத்திற்கு பிறகே அவரது உடல்நிலை குறித்து கணிக்க முடியும் என காவேரி மருத்துவமனை அறிக்கை வெளியிட்டது.

இதைத்தொடர்ந்து அரசியல் கட்சித் தலைவர்களும் திமுக தொண்டர்களும் காவேரி மருத்துவமனையில் குவிந்து வருகின்றனர். ஆயிரக்கணக்கான தொண்டர்கள் மருத்துவமனை முன்பு குவிந்து தொடர்ந்து முழக்கமிட்டு வருகின்றனர்.

இதனால் மருத்துவமனை வளாகத்தில் போலீசார் குவிக்கப்பட்டுள்ளனர். இந்நிலையில் சென்னை காவல் ஆணையர் விஸ்வநாதன் மயிலாப்பூர் துணை ஆணையர் அலுவலகத்தில் ஆலோசனையில் ஈடுபட்டுள்ளார்.

இந்த ஆலோசனையில் போக்குவரத்து மற்றும் காவல் துணை ஆணையர்கள் பங்கேற்றுள்ளனர். பாதுகாப்பு ஏற்பாடுகள் குறித்து ஆணையர் விஸ்வநாதன் ஆலோசனை நடத்தி வருகிறார்.

English summary

Chennai Police Commissioner Vishwanathan discussing with deputy commissioners in Mylapore office about police security.