89 சிலைகள் பறிமுதல்.. 100 கோடி மதிப்பு.. மின்சார கனவு படத்தில் நடித்த அதே நபரா இந்த ரன்வீர் ஷா?

சிலை கடத்தல் வழக்கில் சிக்கி இருக்கும் தொழிலதிபர் ரன்வீர் ஷா ''மின்சார கனவு'' படத்தில் நடித்தவர் என்பது குறிப்பிடத்தக்கது.

Updated: Friday, September 28, 2018, 10:34 [IST]

Subscribe to Oneindia Tamil

Recommended Video

மின்சார கனவு படத்தில் நடித்தவர் தான் இவர் - வீடியோ

சென்னை: சிலை கடத்தல் வழக்கில் சிக்கி இருக்கும் தொழிலதிபர் ரன்வீர் ஷா ''மின்சார கனவு'' படத்தில் நடித்தவர் என்பது குறிப்பிடத்தக்கது.

நேற்று சைதாப்பேட்டை ஸ்ரீநகர் காலனியில் உள்ள ரன்வீர்ஷா வீட்டில் போலீசார் அதிரடி சோதனை நடத்தினர். சிலை கடத்தல் தடுப்பு பிரிவிற்கு வந்த புகாரின் பேரில் இந்த சோதனை நடந்து இருக்கிறது. ஐ.ஜி. பொன்மாணிக்கவேல் தலைமையில் இந்த சோதனை நடந்தது.

இன்றும் இந்த சோதனை நடக்கிறது. இன்றும் நிறைய பொருட்கள் கைப்பற்றப்பட வாய்ப்புள்ளது. இந்த விவகாரத்தில் முக்கியமான நபர்கள் கைது செய்யப்பட வாய்ப்புள்ளது.

என்ன கிடைத்தது

நேற்று நடந்த சோதனையில் ரன்வீர்ஷா வீட்டில் நிறைய கோவில் சிலைகள் கண்டுபிடிக்கப்பட்டது. மொத்தம் 55 சிலைகள் இங்கு இருந்தது. இதில் 12 வெண்கல சிலைகள், 22 கல் சிலைகள் இருந்தது. அதோடு 24 கோவில் தொடர்பான கலை பொருட்கள் இருந்தது. மொத்தம் 89 பொருட்கள் கைப்பற்றப்பட்டது.

எவ்வளவு மதிப்பு

இது கும்பகோணம் உள்ளிட்ட கோவில் சார்ந்த பகுதிகளில் கொள்ளையடிக்கப்பட்டு இருக்கிறது. 4 லாரிகளில் ஏற்றி செல்லும் அளவிற்கு பொருட்கள் அவரின் வீட்டில் குவித்து வைக்கப்பட்டு இருக்கிறது. இதன் மதிப்பு 125 கோடி ரூபாய் வரை இருக்கும் என்று கூறுகிறார்கள். ஆனால் இது உத்தேச மதிப்புதான் இன்னும் அதிகமாக இருக்கலாம் என்று கூறப்படுகிறது.

தொழிலதிபராக இருக்கிறார்

மும்பை உள்ளிட்ட பல மாநிலங்களில் ஆடை ஏற்றுமதி தொழில் செய்து வருகிறார் ரன்வீர்ஷா. இவருக்கு சொந்தமான நிறுவனம் ஒன்று சென்னை கிண்டியில் உள்ளது. கடந்த 20 வருடமாக இவர்களின் குடும்பம் ஆடை ஏற்றுமதி நிறுவனம் நடத்தி வருகிறது. இந்த நிலையில்தான் சிலை கடத்தி வெளிநாட்டிற்கு ஏற்றுமதி செய்யப்பட்டது கண்டுபிடிக்கப்பட்டுள்ளது.

மின்சார கனவு

இவர் மின்சார கனவு படத்தில் நடித்துள்ளார். பிரபு தேவா, கஜோல், அரவிந்த்சாமி நடித்த அந்த படத்தில் இவர் சில காட்சிகளில் வருவார். கஜோலுக்கு பார்த்த பணக்கார வீட்டு பையனாக இவர் நடித்து இருப்பார். தற்போது இவர் வீட்டில்தான் சோதனை நடத்தப்பட்டு இருக்கிறது.