சென்னை அடையார் காந்தி சாலைக்கு பா.ராமச்சந்திர ஆதித்தனார் சாலை என பெயர்.. மாகராட்சி தீர்மானம்
சென்னை: சென்னை அடையார் காந்தி சாலைக்கு பா. ராமச்சந்திர ஆதித்தனார் சாலை என பெயர் சூட்ட சென்னை மாநகராட்சி முடிவு செய்துள்ளது.
சென்னை மாநகராட்சி மன்றக்கூட்டம், ரிப்பன் கட்டிட வளாகத்தில் நடைபெற்றது. மேயர் சைதை துரைசாமி தலைமையில் நடைபெற்ற இந்த மன்றக்கூட்டத்தில் மொத்தம் 97 தீர்மானங்கள் நிறைவேற்றப்பட்டன.
இதில் அடையாறு காந்திநகர் சாலைக்கு, பா.ராமச்சந்திர ஆதித்தனார் சாலை என பெயர் மாற்றம் செய்ய ஒரு தீர்மானம் நிறைவேற்றப்பட்டு இருந்தது. அந்த தீர்மானத்தின் விவரம்:
மண்டலம் 13, பகுதி 40, வார்டு 175ல் உள்ள காந்தி நகர் 4 வது பிரதான சாலையினை, பா.ராமச்சந்திர ஆதித்தனார் சாலை என பெயர் மாற்றம் செய்ய அரசுக்கு முன்மொழிவுகள் அனுப்புவதற்கு அனுமதி என்று குறிப்பிடப்பட்டுள்ளது.
இந்த தீர்மானம் நேற்று முன்தினம் மாநகராட்சி மன்றக்கூட்டத்தில் முன்மொழியப்பட்டு நிறைவேற்றப்பட்டது. மாநகராட்சி மன்றக்கூட்டத்தில் நிறைவேற்றப்பட்ட இந்த தீர்மானம் தமிழக அரசுக்கு அனுப்பி வைக்கப்பட்டுள்ளது.
மாலைமுரசு அதிபராக இருந்து மறைந்த பா. ராமச்சந்திர ஆதித்தனார், மறைந்த சி.பா. ஆதித்தனாரின் மூத்த மகன் ஆவார்.
Click it and Unblock the Notifications
Sign in with Google