பெட்ரோல் விலை, லிட்டருக்கு 5 காசுகள் குறைவு.. டீசல் விலையில் மாற்றமில்லை!

சென்னையில் பெட்ரோல் விலை 5 காசுகள் குறைந்துள்ளது, எனினும் டீசல் விலையில் மாற்றம் இல்லை

சென்னை : எண்ணெய் நிறுவனங்கள் பெட்ரோல் விலையில் இரண்டாவது நாளாக 5 காசுகள் குறைத்துள்ளதால் சென்னையில் ஒரு லிட்டர் பெட்ரோல் விலை ரூ. 71.96 காசுகளாக உள்ளது. டீசல் விலையில் மாற்றம் இல்லை.

இந்த மாத தொடக்கத்தில் பெட்ரோல் விலை லிட்டர் ஒன்று ரூ. 71.65 காசுகளாக இருந்தது. ஆனால் விலை தொடர்ந்து உயர்ந்து கொண்டே தான் இருந்தது. அதிகபட்சமாக நவம்பர் 13ம் தேதி பெட்ரோல் விலை ரூ. 72.33 காசுகளாக இருந்தது. இந்நிலையில் கடந்த 2 நாட்களாக விலை தொடர்ந்து 5 பைசாக்கள் வீதம் 10 பைசா வரை குறைந்துள்ளது.

இன்றைய நிலவரப்படி பெட்ரோல் விலை லிட்டருக்கு 71 ரூபாய் 96 காசுகளுக்கு விற்பனை செய்யப்படுகிறது. டீசல் விலை லிட்டருக்கு 61 ரூபாய் 40 காசுகள் என நிர்ணயம் செய்யப்பட்டுள்ளது. டீசல் விலை மாற்றமின்றி நேற்றைய விலையிலேயே விற்கப்படுகிறது.

English summary

Petrol rate reduced 5 paise for the second day today's petrol rate in Chennai is Rs. 71.96 and Diesel rate is Rs. 61.40.