கனமழையால் எங்கெங்கும் வெள்ளம்: சென்னையில் ரயில் சேவைகளிலும் பாதிப்பு- கை கொடுத்த மெட்ரோ

கனமழையால் சென்னையில் ரயில் சேவைகள் பாதிக்கப்பட்டுள்ளன.

சென்னை: விடிய விடிய கொட்டித் தீர்த்த கனமழையால் சென்னையில் ரயில் சேவைகளிலும் பாதிப்பு ஏற்பட்டுள்ளது. சாலைகளிலும் தண்டவாளங்களிலும் வெள்ளம் சூழ்ந்ததால் மெட்ரோ ரயில் சேவை சென்னைவாசிகளுக்கு கைகொடுத்தது.

சென்னையில் நேற்று பிற்பகல் தொடங்கிய மழை இடைவிடாது கொட்டித் தீர்த்தது. சென்னை நகரம் மட்டுமின்றி புறநகர்களும் வெள்ளக்காடாகிக் கிடக்கிறது.

சாலைகளில் தேங்கியுள்ள மழைநீரை அகற்றும் பணிகள் மேற்கொள்ளப்பட்டு வருகின்றன. சுரங்கப் பாதைகளில் சில மூடப்பட்டுள்ளன. நேற்று இரவு சென்னைவாசிகளுக்கு மெட்ரோ ரயில்தான் கை கொடுத்திருக்கிறது.

தண்டவாளங்களிலும் வெள்ள நீர் சூழ்ந்துள்ளதால் மின்சார ரயில் சேவைகள் பாதிக்கப்பட்டுள்ளன. பல இடங்களில் ரயில்கள் குறைவான வேகத்தில் இயக்கப்படுகின்றன.

சென்னைக்கு பிற மாவட்டங்களில் இருந்து வரும் ரயில்களும் தாமதமடைந்துள்ளன.

English summary

Due to the heavy rain Chennai Train services disrupted.