ராக்கெட் வேகத்தில் வெங்காய விலை.... அதல பாதாளத்தில் தக்காளி ... இது சென்னை காய்கறி நிலவரம்!
சென்னை: சென்னையில் கடந்த 1 வாரமாக தக்காளி விலை குறைந்துள்ள நிலையில் வெங்காயத்தின் விலை ராக்கெட் வேகத்திற்கு எகிறி நிற்கின்றது.
இதற்கு முன்பு தக்காளி 1 கிலோ ரூபாய் 40 முதல் ரூபாய் 50 வரை விற்கப்பட்டது.
விண்முட்டும் உச்சத்தில் இருந்த தக்காளி விலை மளமளவென குறைந்து தற்போது கிலோ 8 ரூபாய்க்கு விற்கப்படுகிறது.
சந்தேகமோ சந்தேகம்:
கடைக்காரர்கள் தக்காளி 8 ரூபாய் என்று கூவி கூவி விற்கும் போது கால் கிலோவுக்கு விலை சொல்கிறாரா அல்லது அரை கிலோவுக்கு விலை சொல்கிறாரா என பொதுமக்கள் சந்தேகத்துடன் மீண்டும் விலையை கேட்கின்றனர்.
மக்ழ்ச்சியில் வாங்கும் மக்கள்:
அப்போது கடைக்காரர் 1 கிலோ தக்காளி 8 ரூபாய் தான், விலை மலிந்து விட்டது என்றதும் மகிழ்ச்சியோடு தக்காளியை வாங்குகின்றனர்.
உயர்ந்து நிற்கும் வெங்காயம்:
கோயம்பேடு மார்க்கெட்டுக்கு அதிக அளவில் தக்காளி வருவதால் விலை வீழ்ச்சி ஏற்பட்டுள்ளதாக வியாபாரிகள் தெரிவித்தனர்.
ஆனால் இதற்கு நேர் மாறாக வெங்காயம் விலை உயர்ந்துள்ளது. 1 கிலோ வெங்காயம் ரூபாய் 50 முதல் ரூபாய் 60 வரை விற்கப்படுகிறது.
விளைச்சல் குறைவு:
வட மாநிலங்களில் வெங்காயம் விளைச்சல் குறைந்துள்ளதால் விலை அதிகரித்துள்ளது. இதனால் மீண்டும் தங்கம் போலவே வெங்காயம் விலையும் சரசரவென உயரலாம் என்று அஞ்சப்படுகின்றது.
Click it and Unblock the Notifications
Sign in with Google