கருணாநிதி கவலைக்கிடம்... மத்திய அரசுடன் கிரிஜா வைத்தியநாதன் ஆலோசனை

கருணாநிதி கவலைக்கிடமான நிலையில் மத்திய அரசுடன் கிரிஜா வைத்தியநாதன் ஆலோசனை நடத்தி வருகிறார்.

சென்னை: கருணாநிதி கவலைக்கிடமாக உள்ள நிலையில் மத்திய அரசுடன் கிரிஜா வைத்தியநாதன் ஆலோசனை நடத்தியுள்ளதாக தகவல்கள் கூறுகின்றன.

கருணாநிதி தொடர்ந்து 11 நாளாக சிகிச்சை பெற்று வருகிறார். இந்நிலையில் நேற்றைய தினம் அவரது உடல்நிலை மோசமடைந்தது.

இதையடுத்து காவேரி மருத்துவமனை அறிக்கை வெளியிட்டது. அதில் கருணாநிதியின் உடல் உறுப்புகள் மோசமடைந்ததாகவும் அவரது உடல்நிலை குறித்து 24 மணி நேரம் கழித்தே எதையும் கூற முடியும் என்றும் மருத்துவமனை நிர்வாகம் தெரிவித்தது.

இந்நிலையில் இன்றும் அவரது உடல்நிலையில் முன்னேற்றம் இல்லை என்று கூறப்படுகிறது. இதையடுத்து ஸ்டாலின் உள்ளிட்டோர் தமிழக முதல்வர் எடப்பாடி பழனிச்சாமியுடன் ஆலோசனை நடத்தினார். இதையடுத்து தலைமை செயலாளர் கிரிஜா வைத்தியநாதனுடனும் ஸ்டாலின் உள்ளிட்ட திமுக நிர்வாகிகள் ஆலோசனை நடத்தினர்.

கருணாநிதியின் உடல்நிலை தொடர்ந்து கவலைக்கிடமாக உள்ளதாக 7-ஆவது அறிக்கையை மருத்துவமனை வளாகம் வெளியிட்டது. இந்நிலையில் மத்திய அரசுடன் தலைமை செயலாளர் கிரிஜா வைத்தியநாதன் ஆலோசனை நடத்தியதாக தகவல்கள் கூறுகின்றன. அப்போது அவர் கருணாநிதியின் உடல்நிலை குறித்தும் தமிழகத்தில் பாதுகாப்பு ஏற்பாடுகள் குறித்தும் அவர் ஆலோசனை செய்திருக்கலாம் என்று தெரிகிறது.

English summary

Chief Secretary Girija Vaidiyanathan discuss with Central Government.