ஆடி வந்தா ‘ஆடி’ப் போய்டுவீங்க.. இது சித்ரா ஆன்ட்டி ஸ்பெஷல்..!

ஆடி மாதத்தையொட்டி புதிய வீடியோ வெளியிட்டுள்ளார் டப்ஸ்மாஷ் புகழ் சித்ரா.

சென்னை: ஆடி மாதம் பிறந்ததையொட்டி புதிய டப்ஸ்மாஷ் வீடியோ ஒன்றை வெளியிட்டுள்ளார் ரசிகர்களால் ஆன்ட்டி என செல்லமாக அழைக்கப்படும் சித்ரா காஜல்.

இணையப் புகழ் கல்பனா அக்காவைப் போன்றே, தனது கலக்கல் டப்ஸ்மாஷ்களால் வைரலாகி வருகிறார் சித்ரா காஜல். ரசிகர்கள் இவரை அன்புடன் ஆன்ட்டி என்றே அழைக்கின்றனர்.

அவர் எந்த ஊர், வயது என்ன, குடும்பப் பின்னணி என்ன என எதுவும் தெரியவில்லை. ஆனால், பாடலாகட்டும், டயலாக் ஆகட்டும் ஒவ்வொரு டப்ஸ்மாஷூக்கும் கலக்கல் ரியாக்‌ஷன் கொடுத்து அப்ளாஷ் அள்ளி வருகிறார்.

ரசிகர்கள்:

அதிலும் சிரத்தையெடுத்து ஒவ்வொரு டப்ஸ்மாஷுக்கும் அவர் கெட்டப்புகளை மாற்றி, முழு சந்திரமுகியாகவே மாறி விடுவது அவரது ஸ்பெஷல். இதனாலேயே இரண்டு மாதங்களிலேயே உலகப்புகழ் அடைந்து விட்டார் அவர். அவருக்கென்று தனி ரசிகர் பட்டாளமே உள்ளது.

டபுள் ஆக்‌ஷன்:

இந்நிலையில், ஆடி மாதம் பிறந்ததையொட்டி புதிய வீடியோ ஒன்றை வெளியிட்டுள்ளார் ஆன்ட்டி. இதில் அம்மனாகவும், பக்தையாகவும் அவர் டபுள் ஆக்சன் செய்து மிரட்டியுள்ளார்.

ஆத்தா உன் கோவிலுல..

எக்ஸ்ட்ரா எபெக்ட்ஸ் எல்லாம் போட்டு, அம்மன் வேடத்தில் நடித்துள்ளார் சித்ரா. மற்றொரு புறம் மஞ்சள் சேலைக் கட்டி, ‘ஆத்தா உன் கோவிலுல..' என்ற பாடலை பாடுவது போல் நடித்துள்ளார்.

வைரல்:

தன் கம்பீரமான சொந்தக் குரலில் பாடி, தனக்கென ரசிகர் பட்டாளத்தை உருவாக்கி வைத்திருக்கிறார் கல்பனா அக்கா. அவரைப் போலவே, சித்ரா ஆன்ட்டியும் சமீபகாலமாக சமூகவலைதளங்களில் வைரல் ஆகியுள்ளார் என்பது குறிப்பிடத்தக்கது.

English summary

The dubsmash fame Chitra Kajal has released new video on the starting occasion of tamil month Aadi. This video is now viral in social networking sites.