ஜெவை திடீரென சந்தித்த சோ..!

By Mayura Akilan

Updated: Wednesday, November 20, 2013, 19:00 [IST]

Subscribe to Oneindia Tamil

சென்னை: தமிழக முதல்வர் ஜெயலலிதாவை, துக்ளக் பத்திரிக்கை ஆசிரியர் சோ ராமசாமி இன்று தலைமை செயலகத்தில் திடீரென சந்தித்துப் பேசினார்.

அமைச்சர்களின் இல்லத்திருமணவிழாவில் பங்கேற்றுவிட்டு முதல்வர் ஜெயலலிதா, இன்று தலைமைச் செயலகத்திற்கு வந்தார். இதனைத் தொடர்ந்து பகல் 12.15 மணி அளவில் கோட்டைக்கு வந்த சோ, முதல்வர் ஜெயலலிதாவை அவரது அலுவலகத்தில் சந்தித்துப் பேசினார்.

அப்போது தனது மகனுக்கான திருமண அழைப்பிதழை அவர் முதலமைச்சரிடம் வழங்கி, திருமணத்திற்கு வருமாறு கேட்டுக்கொண்டதாகத் தெரிகிறது.

இதுதவிர அரசியல் தொடர்பாகவும் இருவரும் விவாதித்ததாகவும் கூறப்படுகிறது. ஆனால் ஜெயலலிதாவுடன் பேசியது என்ன என்பதை சோ தெரிவிக்க மறுத்துவிட்டார்.