சோ ராமசாமிக்கு திடீர் உடல் நலக்குறைவு- மருத்துவமனையில் அனுமதி
சென்னை: பத்திரிகையாளரும், சினிமா நடிகருமான சோ ராமசாமி திடீர் உடல் நலக்குறைவால் சென்னை அப்பல்லோ மருத்துவமனையில் அனுமதிக்கப்பட்டுள்ளார்.
பழம்பெரும் நடிகரான சோ ராமசாமி, வார இதழின் ஆசிரியர், அரசியல் விமர்சகர் போன்ற பல தளங்களில் செயல்பட்டு வருபவர். 79 வயதான சோ, முதுமை காரணமாக உடல் சோர்வுற்று காணப்படுகிறார். இந்நிலையில், உடல் நிலை திடீரென மோசமானதை தொடர்ந்து, அவர் செவ்வாய்கிழமை, அப்பல்லோ மருத்துவமனையில் சிகிச்சைக்காக சேர்க்கப்பட்டார். இன்னும் மருத்துவமனையிலேயே அவருக்கு சிகிச்சை அளிக்கப்பட்டுவருகிறது.
அவரது குடும்ப வட்டாரத்தை சேர்ந்த ஒருவர் கூறுகையில், "கை மற்றும் கால்களில் வலி காணப்பட்டதால் மருத்துவமனையில் சிகிச்சை பெற சோவை அழைத்து வந்தோம். ஆனால் மருத்துவமனையிலேயே தங்கியிருந்து சிகிச்சை பெறுமாறு டாக்டர்கள் அறிவுறுத்தியதால் அவர் சிகிச்சைக்காக சேர்க்கப்பட்டுள்ளார். மூட்டு இணைப்பு பகுதிகளில்தான் கடுமையான வலி காணப்படுகிறது. மற்றபடி விரைவில் குணமாகிவிடுவார் என்றே நம்புகிறோம்" என்று தெரிவித்தார்.
இம்மாதத்தின் துவக்கத்தில்தான் சோ ராமசாமி டிவிட்டர் தளத்தில் இணைந்தார் என்பது குறிப்பிடத்தக்கது.
Click it and Unblock the Notifications
Sign in with Google