ரஜினியை வேறு கோணத்தில் பார்த்தது 'மகிழ்ச்சி'... கபாலி படம் பார்த்த ’சோ’

சென்னை: தனது நண்பரும் அரசியல் விமர்சகருமான சோ ராமசாமிக்கு தான் நடித்த கபாலி படத்தை திரையிட்டுக் காட்டினார் ரஜினிகாந்த்.

பா.ரஞ்சித் இயக்கத்தில் ரஜினி, ராதிகா ஆப்தே, தன்ஷிகா, கலையரசன், தினேஷ் உள்ளிட்ட பலர் நடிப்பில் உருவாகி இருக்கும் படம் 'கபாலி'. சந்தோஷ் நாராயணன் இசையமைப்பில் உருவாகி இருக்கும் இப்படத்தை தாணு தயாரித்திருக்கிறார். கபாலி திரைப்படம் உலகமெங்கும் தமிழ், தெலுங்கு, இந்தி உள்ளிட்ட மொழிகளில் கடந்தவாரம் வெள்ளிக்கிழமை ரிலீசானது.

தியேட்டர்களில் வெற்றிகரமாக ஓடிக்கொண்டிக்கும் இப்படம், தொடர்ந்து நல்ல வசூலைத் தந்து வருகிறது. இந்நிலையில் அமெரிக்காவில் ஓய்வை முடித்துவிட்டு நேற்று முன்தினம் இரவு சென்னை திரும்பியுள்ளார் ரஜினி. இந்நிலையில் தனது நண்பரும் அரசியல் விமர்சகருமான சோ ராமசாமிக்கு தான் நடித்த கபாலி படத்தை திரையிட்டுக் காட்டினார் ரஜினிகாந்த்.

இதற்காக நுங்கம்பாக்கத்தில் உள்ள ஒரு திரையரங்கில் சிறப்பு காட்சிக்கு ஏற்பாடு செய்யப்பட்டிருந்தன. இதில் சோ ராமசாமியுடன் ரஜினி அருகில் உட்கார்ந்து படத்தை பார்த்தார். படத்தை பார்த்த பிறகு கருத்து தெரிவித்த சோ ராமசாமி, ‘நல்லாயிருக்கு. நல்லா எடுத்திருக்கீங்க' என்று படக் குழுவினருக்கு வாழ்த்துக்கள் தெரிவித்தோடு, ரஜினியை வேறு கோணத்தில் பார்த்ததில் மகிழ்ச்சி எனவும் அவர் தெரிவித்தார்.

English summary

Cho Ramaswamy watches kabali Movie with Rajinikanth in chennai