முதல்வர் வேட்பாளர்: ஜெ. 39.66% கருணாநிதி 31.89% - புதியதலைமுறை டிவி கருத்துக்கணிப்பு

சென்னை: மக்கள் விரும்பும் முதல்வர் வேட்பாளர் யார் என்ற கேள்விக்கு ஜெயலலிதாவிற்கு 39.66 சதவிகிதம் பேர் ஆதரவு அளித்துள்ளனர். அதே நேரத்தில் கருணாநிதிக்கு 31.89 சதவிகிதம் பேர் ஆதரவு கூறியுள்ளனர்.

புதிய தலைமுறை டிவி, ஏபிடி நிறுவனத்துடன் இணைந்து, நடத்திய கருத்துக்கணிப்பு இன்று வெளியானது. இந்த கருத்துக்கணிப்பு வடக்கு, தெற்கு, மத்திய, மேற்கு மற்றும் சென்னை ஆகியவை தனி மண்டலங்களாக பிரிக்கப்பட்டு கருத்து கணிப்பு வெளியிடப்பட்டது.

இந்த கருத்துக்கணிப்பில் மக்கள் விரும்பும் முதல்வர் வேட்பாளர் யார் என்ற கேள்வி முன்வைக்கப்பட்டது. அதற்கு மக்கள் அளித்த பதில்கள்.

ஜெயலலிதா - 39.66%

கருணாநிதி - 31.89%

விஜயகாந்த் - 8.59%

அன்புமணி - 5.03%

சீமான் - 2.40%

யாருமில்லை - 3.02%

இதர - 4.31%

தெரியாது - 5.09%

தேமுதிக - மநகூ - தமாகா கூட்டணி

தேமுதிக - மநகூ - தமாகா கூட்டணி இந்த தேர்தலில் வலுவான கூட்டணியா என்று கேட்கப்பட்ட கேள்விக்கு ஆம் என்று 20.87% பேரும், இல்லை என்று 69.37% பேரும் கூறியுள்ளனர். இதர கருத்துக்களை 2.01% பேரும், தெரியாது என்று 7.75% பேரும் கருத்து கூறியுள்ளனர்.

பாதகமா? சாதகமா?

மக்கள் தேமுதிகவின் தோற்றம் தேமுதிகவிற்கு தேர்தலில் பாதகமாக அமையுமா? என்று கேட்கப்பட்ட கேள்விக்கு ஆம் என்று 26.76% பேரும் இல்லை என்று 58.05% பேரும், இதர கருத்து 1.33% பேரும், தெரியாது என்று 13.86% பேரும் கருத்து கூறியுள்ளனர்.

English summary

Who is your Favorite CM candidate People support Jayalalitha 39.66% Karunandhi31.89%.