தமிழக சட்டசபை நாளை மாலை கூடுகிறது- மத்திய அரசுக்கு கண்டனம் தெரிவித்து தீர்மானம்?

சென்னை: தமிழக சட்டசபை கூட்டம் நாளை மாலை நடைபெறும் என்று சபை செயலர் ஜமாலுதீன் தெரிவித்துள்ளார்.

அண்மையில் தமிழக சட்டசபை கூட்டம் நடைபெற்றது. ஒருவார காலம் கூட்டம் நடைபெற்று ஒத்தி வைக்கப்பட்டது.

இந்நிலையில் திடீரென நாளை மாலை 6 மணிக்கு தமிழக சட்டசபை கூட்டம் நடைபெறும் என்று சட்டசபை செயலர் ஜமாலுதீன் அறிவித்துள்ளார்.

ஏற்கெனவே சட்டசபையில் இலங்கை காமன்வெல்த் மாநாட்டில் மத்திய அரசு பங்கேற்கக் கூடாது என்று தீர்மானம் நிறைவேற்றப்பட்டது. இருப்பினும் காமன்வெல்த் மாநாட்டில் மத்திய அமைச்சர் சல்மான் குர்ஷித் பங்கேற்கிறார்.

இதற்கு கண்டனம் தெரிவித்து நாளை மாலை நடைபெறும் சட்டசபை கூட்டத்தில் தீர்மானம் நிறைவேற்றப்படலாம் எனத் தெரிகிறது.

English summary

The Tamil Nadu Assembly will commence on Tuesday on Commonwealth summit issue.