உதகை காங்கிரஸ் வேட்பாளர் மாற்றம்: மீண்டும் கணேசன் வேட்பாளராக அறிவிப்பு !
நீலகிரி: உதகமண்டலம் தொகுதியில் காங்கிரஸ் சார்பில் போட்டியிடுவதாக அறிவிக்கப்பட்டிருந்த, பி.ராமசந்திரனுக்கு பதிலாக மீண்டும் கணேஷ் என்பவரை வேட்பாளராக அறிவித்துள்ளது காங்கிரஸ் மேலிடம்.
வரும் சட்டசபை தேர்தலில் திமுக - காங்கிரஸ் கூட்டணியில், காங்கிரஸ் கட்சிக்கு 41 தொகுதிகள் ஒதுக்கீடு செய்யப்பட்டன. அக்கட்சி சார்பில் போட்டியிடும் வேட்பாளர் பட்டியல் ஏற்கனவே வெளியிடப்பட்டிருந்தது.
இதில் நீலகிரி மாவட்டம், உதகமண்டலம் தொகுதி காங்கிரஸ் கட்சிக்கு ஒதுக்கீடு செய்யப்பட்டது. அத்தொகுதியில் காங்கிரஸ் வேட்பாளராக பி.ராமச்சந்திரன் அறிவிக்கப்பட்டார். அவரை மாற்றக்கோரி அக்கட்சியினர் எதிர்ப்பு தெரிவித்து போராட்டத்தில் ஈடுபட்டு வந்தனர்.
இதையடுத்து அவருக்கு பதிலாக ஆர்.கணேசன் என்பவர் வேட்பாளராக அறிவிக்கப்பட்டுள்ளார். இவர் ஏற்கனவே உதகை தொகுதிக்கு வேட்பாளராக அறிவிக்கப்பட்டு பின்னர் மாற்றப்பட்டார். இந்நிலையில் கணேஷனுக்கு மீண்டும் அக்கட்சி வாய்ப்பு வழங்கியுள்ளது.
Click it and Unblock the Notifications
Sign in with Google