சட்டசபையில் 'டாக்கிங்' பண்ணப் போகும் அதிமுக எம்.எல்.ஏ. வெற்றிவேலுக்கு 'பேட்டிங்கு'ம் தெரியும் பாஸ்!
சேலம்: தமிழக சட்டசபை தேர்தலில் வெற்றி பெற்றுள்ள, ஓமலூர் தொகுதி அதிமுக எம்.எல்.ஏ. வெற்றிவேல் முன்னாள் கிரிக்கெட் வீரர் ஆவர்.
தமிழக சட்டசபை தேர்தலில் சேலம் மாவட்டம் ஓமலூர் தொகுதியில் அதிமுக வேட்பாளர் எஸ்.வெற்றிவேல் (45) வெற்றி பெற்றுள்ளார். இவர் தன்னை எதிர்த்து போட்டியிட்ட திமுக வேட்பாளர் அம்மாசியைவிட 19,956 வாக்குகள் கூடுதலாகப் பெற்றுள்ளார்.
வெற்றிவேல், இதற்கு முன்னர் கருப்பூர் பேராட்சித் தலைவராகப் பதவி வகித்து வந்தார். இவருக்கு அருணா என்ற மனைவியும், தருண்வேல் என்ற மகனும், தருணிகா என்ற மகளும் உள்ளனர்.
விவசாயம் மற்றும் சிமென்ட் விற்பனைத் தொழிலில் ஈடுபட்டுள்ள வெற்றிவேல், முன்பு 14 மற்றும் 23 வயதுக்கு உள்பட்டோருக்கான தமிழ்நாடு கிரிக்கெட் அணியில் இடம் பெற்று விளையாடியவர் ஆவார்.
இது மட்டுமின்றி தமிழ்நாடு கிரிக்கெட் வீரர்கள் தேர்வுக் குழுவில் உறுப்பினராகவும் வெற்றிவேல் இருந்துள்ளார். தற்போது அவர் சென்னை கிரிக்கெட் கிளப்பில் உறுப்பினராக இருக்கிறார்.
Click it and Unblock the Notifications
Sign in with Google