• search
For Quick Alerts
ALLOW NOTIFICATIONS  
For Daily Alerts

தென்காசி வேட்பாளர் கிருஷ்ணசாமிக்கு எதிராக வரிந்து கட்டும் தலித் அமைப்புகள்

|
Dalit organizations turn against Dr. Krishnasamy
தென்காசி: தென்காசி புதிய தமிழகம் வேட்பாளர் டாக்டர் கிருஷ்ணசாமிக்கு எதிராக தலித் அமைப்புகள் ரகசியமாக வரிந்து கட்டி வேலை பார்த்து வருகின்றன.

டாக்டர் கிருஷ்ணசாமி பட்டியலின உரிமைப் போராளி ஆவார். புதிய தமிழகம் என்ற கட்சியின் தலைவராக உள்ளார். இவர் 1996 - 2011ம் ஆண்டுகளில் நடந்த சட்டப்பேரவைத் தேர்தலில் ஓட்டப்பிடாரம் சட்டமன்றத் தொகுதியில் வெற்றி பெற்று சட்டமன்ற உறுப்பினராக தேர்வு செய்யப்பட்டார்.

பட்டியலின மக்களின், குறிப்பாக தென்மாவட்ட பட்டியலின மக்களின் பிரச்சனைகளை முன் வைத்து இவரும், இவரது கட்சியும் செயல்பட்டு வருகின்றன. இவர் கோவையில் சங்கீதா என்ற மருத்துவமனையும் நடத்தி வருகின்றார்.

தென்காசி தொகுதியில் திமுக கூட்டணியில் போட்டியிடும் புதிய தமிழகம் வேட்பாளர் டாக்டர் கிருஷ்ணசாமி வேட்புமனு தாக்கல் செய்துள்ளார். மேலும், தனது கூட்டணி கட்சி நிர்வாகிகளுடன் தொகுதி முழுக்க சூறாவளி சுற்றுப்பயணம் செய்து வாக்கு சேகரித்து வருகின்றார்.

ஏற்கனவே, தலித் மக்களுக்கு உள்இட ஒதுக்கீடு விஷயத்தில் கிருஷ்ணசாமிக்கும், சில தலித் அமைப்புகளுக்கும் இடையே கருத்து மோதல் இருந்து வந்தது. இதன் காரணமாக பல தலித் அமைப்புகள் கிருஷ்ணசாமிக்கு கண்டனம் தெரிவித்தன. இதனையடுத்து, உள்இட ஒதுக்கீடு விஷயத்தில் கிருஷ்ணசாமி தனது நிலைப்பாட்டை மாற்றிக் கொள்ளவில்லை. உறுதியாக இருந்தார்.

இந்த விவகாரத்தை தற்போது கையில் எடுத்துள்ள சில தலித் அமைப்புகள் உள்இட ஒதுக்கீடு விவகாரத்தில் கிருஷ்ணசாமியின் நிலைப்பாட்டை எடுத்துக் கூறி ஒன்றிணைந்துள்ளதாக கூறப்படுகின்றது. இதன் காரணாக அந்த அமைப்புகளை சேர்ந்த சிலர் கிருஷ்ணாமி போட்டியிடும் தென்காசி தொகுதியில் அவருக்கு எதிராக தேர்தல் பிரச்சாரம் செய்து வருவதாக கூறப்படுகின்றது. குறிப்பாக தலித் மக்கள் அதிகம் வசிக்கும் பகுதியில் இவர்கள் பிரச்சாரம் செய்து வருகின்றார்களாம்.

தமிழகத்தில் வெற்றி வாய்ப்பு உள்ள வேட்பாளர்களில் கிருஷ்ணசாமியும் இதுவரை நிலை பெற்று இருந்தார். ஆனால் அவருக்கு எதிராக தலித் அமைப்புகளே வரிந்து கட்டி எதிர்த்து வேலை பார்த்து வருவதால் புதிய தமிழகம் கட்சி நிர்வாகிகள் கடும் அதிர்ச்சியில் உள்ளனர்.

மேலும் கிருஷ்ணசாமி இதுவரை அதிமுக கூட்டணியில் இருந்துவிட்டு, தற்போது திமுக முகாம் மாறியுள்ளதால் ஆளும் கட்சியும் அவரது வெற்றிக்கு பல விதத்திலும் முட்டுக் கட்டை போட்டு வருகின்றதாம்.

இது குறித்து கருத்து கூறும் கிருஷ்ணசாமி ஆதரவாளர்கள், அவர் ஒரு அரசியல்வாதி அல்ல. அவர் ஒரு போராளி. அவருக்கு போட்டி வந்தால் தான் நல்ல வேலை பார்ப்பார். எனவே அவர் எளிதில் வெற்றி பெறுவார் என்கின்றனர்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
Buzz is that some dalits organizations are campaigning against Tenkasi candidate Puthiya Tamilagam chief Dr. Krishnasamy.

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more