தகுதி நீக்கம் செய்யப்பட்ட 18 எம்எல்ஏக்கள் விவரம் அரசு வெப்சைட்டிலிருந்து திடீர் நீக்கம்!
சென்னை: தகுதி நீக்கம் செய்யப்பட்ட அதிமுகவின் 18 எம்எல்ஏக்கள் விவரம் அரசு இணையதளத்திலிருந்து அகற்றப்பட்டுள்ளது.
அரசு இணையதளத்தில் அனைத்து தொகுதிகளின் எம்எல்ஏக்கள் பற்றிய விவரங்கள் புகைப்படத்தோடு இடம் பெற்றிருக்கும். செல்போன் எண், இ-மெயில் முகவரி போன்ற விவரங்களும் இடம் பிடித்திருக்கும்.
இந்த நிலையில், சபாநாயகரால் சமீபத்தில் தகுதி நீக்கத்திற்கு உள்ளான 18 பேரின் தொகுதிகளும் காலியாக உள்ளதாக இன்று திடீரென அரசு இணையதளத்தில் தகவல் வெளியிடப்பட்டுள்ளது.
18 பேர் தகுதி நீக்கத்திற்கு எதிரான வழக்கு ஹைகோர்ட்டில் நிலுவையிலுள்ளது. முதல்கட்ட விசாரணையை முடித்துள்ள ஹைகோர்ட், சபாநாயகர் உத்தரவில் இப்போது தலையிட முடியாது என கூறியது. ஆனால், வழக்கில் மறு உத்தரவு வரும்வரை, 18 பேரின் தொகுதிகளுக்கும் இடைத் தேர்தல் ஏற்பாடு நடத்த கூடாது என்றும், அவர்களின் தொகுதிகள் காலியாகிவிட்டதாக தேர்தல் ஆணையத்திடம் தெரிவிக்க கூடாது என்றும் கூறியிருந்தது.
ஆனால், இப்போது 18 பேரின் தொகுதிகளும் காலியானதாக அரசு வெப்சைட்டில் இடம் பிடித்துள்ளது பரபரப்பை ஏற்படுத்தியுள்ளது.
Click it and Unblock the Notifications
Sign in with Google