இந்த மாதத்தின் மிகச்சிறந்த காமெடி இதுதான்.. டி.டி.வி தினகரன் 'கலாய்'

திவாகரன் கட்சி தொடங்கியதுதான் இந்த மாதத்தின் சிறந்த காமெடி என்று டி.டி.வி தினகரன் தெரிவித்துள்ளார்.

சென்னை: திவாகரன் கட்சி தொடங்கி இருப்பதுதான் இந்த மாதத்தில் நான் கேட்ட சிறந்த காமெடி என்று அமமுக துணைப் பொதுச்செயலாளரும், ஆர்கே நகர் சட்டமன்ற உறுப்பினருமான டி.டி.வி தினகரன் தெரிவித்துள்ளார்.

சொத்துக்குவிப்பு வழக்கில் தண்டனை பெற்று சிறையில் இருக்கும் சசிகலாவின் தம்பி திவாகரன் நேற்று மன்னார்குடியில் தனது புதிய கட்சி துவக்கினார். அதற்கு அண்ணா திராவிடர் கழகம் என்று பெயர் சூட்டியுள்ளார்.

இதுகுறித்து அமமுக துணைப் பொதுச்செயலாளரும், ஆர்கே நகர் சட்டமன்ற உறுப்பினருமாகிய டி.டி.வி தினகரன் பேசுகையில், திவாகரன் அரசியல் கட்சி தொடங்கி இருப்பதுதான் இந்த மாதத்தில் நான் கேட்டு ரசித்த சிறந்த காமெடி ? அவருக்கும் அண்ணாவிற்கும் என்ன சம்பந்தம் ? இவரை நம்பி யார் கட்சியில் இணைவார்கள் என்று விரைவில் தெரியும் .

தமிழகத்தில் தற்போது இருக்கும் ஆட்சியால் எந்த நலத்திட்டத்தையும் செயல்படுத்த முடியாது. அடுத்த ஆண்டு ஏப்ரல் வரை மக்கள் போராட்டங்கள் நடக்கும். அதற்குப் பிறகு, நாடாளுமன்றத் தேர்தலோடு தமிழக சட்டசபைக்கும் நிச்சயம் தேர்தல் நடக்கும்.

அந்தத் தேர்தலில் அடுத்த மத்திய அரசை தமிழக மக்களே தீர்மானிப்பார்கள். அமமுக பெரும்பான்மை வெற்றி பெறும். தமிழக மக்களுக்குத் துரோகம் இழைப்பவர்கள் காணாமல் போவார்கள் என்று தெரிவித்துள்ளார்.

English summary

Dhivakaran new party is the best joke of this Month says TTV Dhinakaran. AMMK Deputy General Secretary TTV Dhinakaran says that TN General election will be on 2019.