"என் வழி, தனி வழி.." தலைவராக மாறிய தல.. சென்னை ரசிகர்கள் உற்சாகத்தில் அதிர்ந்த அரங்கம்- வீடியோ
சென்னை: சூப்பர் ஸ்டார் ரஜினிகாந்த்தின் "என் வழி.. தனி வழி" என்ற பிரபல பஞ்ச் டயலாக்கை மிமிக்ரி செய்து பேசி சென்னை ரசிகர்கள் குஷிப்படுத்தினார் இந்திய கிரிக்கெட் அணி கேப்டன் எம்.எஸ்.டோணி.
டோணியின் வாழ்க்கை வரலாறு 'MS Dhoni - The Untold Story என்ற பெயரில் திரைப்படமாக வெளியாக உள்ளது. ஹிந்தி திரைப்படமான இது தமிழிலும் டப் செய்யப்பட்டு வெளியிடப்படுகிறது.
இந்த திரைப்படத்தின் பிரமோஷன் நிகழ்ச்சிக்காக, திரைப்படத்தில் டோணி வேடமேற்று நடித்துள்ள சுஷாந்த் சிங் ராஜ்புத் உடன், நேற்று சென்னை வந்தார் கேப்டன் கூல்.
நூற்றுக்கணக்கான ரசிகர்கள் சூழ்ந்திருக்க, படத்தின் சிறப்பம்சங்கள் குறித்து டோணி விளக்கினார். அப்போது சூப்பர் ஸ்டார் ரஜினிகாந்த்தின், பிரபல பஞ்ச் டயலாக்கான, "என் வழி.. தனி வழி" என்பதை டோணி பேசி காண்பித்தார். ரஜினிகாந்த்தை போலவே கையையும் ஆட்டியபடி அந்த டயலாக்கை பேசினார்.
ரஜினியை போலவே நடந்தும், சட்டையை உதறியும் காண்பித்தார். இதை பார்த்த ரசிகர்கள் உற்சாக கூத்தாடினர். அந்த வீடியோவை நீங்களே பாருங்களேன்.