புதுவையில் 17 நாட்கள் முகாமிட்ட தினகரன் ஆதரவு எம்.எல்.ஏக்கள்- வாடகை மட்டும் ரூ 30,40,000

புதுவையில் 17 நாட்கள் முகாமிட்ட தினகரன் ஆதரவு எம்.எல்.ஏக்கள் ரிசார்ட், ஹோட்டல்களுக்கு வாடகை மட்டும் ரூ30 லட்சம் என தகவல்கள் வெளியாகி உள்ளன

புதுவை: முதல்வர் எடப்பாடி பழனிச்சாமிக்கு எதிராக போர்க்கொடி தூக்கி புதுவையில் 17 நாட்கள் முகாமிட்ட தினகரன் ஆதரவு எம்.எல்.ஏக்கள் ரிசார்ட், ஹோட்டல்களுக்கு வாடகை மட்டும் ரூ.30,40,000 என தெரியவந்துள்ளது.

முதல்வர் எடப்பாடிக்கான ஆதரவை வாபஸ் பெறுவதாக 19 எம்.எல்.ஏக்கள் ஆளுநர் வித்யாசாகர் ராவிடம் தனித்தனியே கடிதம் கொடுத்தனர். இந்த கடிதம் கொடுத்த கையோடு புதுவை விண்ட் ப்ளவர் சொகுசு விடுதியில் முதலில் முகாமிட்டனர்.

பின்னர் சன்வே மேனா ஹோட்டலில் சில நாட்கள் தங்கினர். இதைத் தொடர்ந்து மீண்டும் விண்ட் ப்ளவர் ரிசார்ட்டுக்கே தினகரன் ஆதரவு எம்.எல்.ஏக்கள் திரும்பினர்.

மைசூரில் டேரா

தற்போது புதுவையில் இருந்து மைசூருக்கு புறப்பட்டுச் சென்றுள்ளனர் தினகரன் ஆதரவு எம்.எல்.ஏக்கள். மொத்தம் 17 நாட்கள் தினகரன் ஆதரவு எம்.எல்.ஏக்கள் புதுவையில் தங்கியிருந்தனர்.

விண்ட் ப்ளவர் ரிசார்ட்

கடந்த மாதம் 22-ந் தேதி முதல் 25-ந் தேதி வரை விண்ட் ப்ளவர் சொகுசு ரிசார்ட்டில் முதலில் தங்கினர். இந்த 4 நாட்களுக்கான வாடகை மட்டும் ரூ5 லட்சமாம்.

சன்வே மேனார்

பின்னர் 25-ந் தேதி முதல் 27-ந் தேதி வரை சன்வே மேனார் ஹோட்டலுக்கு மாறினர். அங்கு 3 நாட்களுக்கு மட்டும் ரூ7 லட்சம் வாடகையாம்.

ரூ.30,40,000

பின்னர் 27-ந் தேதி முதல் செப்டம்பர் 7-ந் தேதி வரை விண்ட் ப்ளவர் ரிசார்ட்டிலேயே டேரா அடித்தனர். இதற்கான வாடகை ரூ18,40,000. ஆக மொத்தம் 17 நாட்களுக்கான வாடகை செலவு மட்டுமே ரூ.30,40,000 என்கின்றன அதிமுக வட்டாரங்கள்.

English summary

According to the sources said that Dinakaran Camp MLA's Puducherry resorts rent bill Rs 30 Lakhs.