கடைசி கட்டத்தில் பைக்கில் பதற விட்ட தினகரன்.. தலையில் ஹெல்மட் இல்லாமல்!!

சென்னை: ஆர்.கே.நகரில் இன்று அனல் பறக்கப் பிரச்சாரம் செய்த டிடிவி தினகரன் முடிந்தவரை இன்று தனது முத்திரையை தொகுதி முழுவதும் ஆணித்தரமாக பதித்து விட்டார்.

பிரச்சாரம் செய்ய கடைசி நாளான இன்று அவர் பிரமாண்டக் கூட்டத்தைக் கூட்டி தொகுதியையே பதறடித்து விட்டார். அத்தோடு நில்லாமல் பைக்கிலும் பயணித்து தொகுதி மக்களிடம் தனது குக்கர் சின்னத்தை நீக்கமற மனதில் பதித்து விட்டார்.

திராவிடக் கட்சிகளுக்கு சற்றும் சளைக்காத வகையில் தினகரனின் பிரச்சாரம் இந்த, "பணக்கார" இடைத்தேர்தலில் காணப்பட்டது. தொடக்கம் முதல் முடிவு வரை தினகரன் குறித்த பேச்சுதான் அதிகம்.

செமத்தியான சின்னம்

தனக்கு கிடைத்த குக்கர் சின்னத்தை படு வேகமாக மக்களிடையே கொண்டு சென்று விட்டார் தினகரன். குக்கரை வைத்து எப்படியெல்லாம் பிரச்சாரம் செய்ய முடியுமோ அப்படியெல்லாம் செய்து அதகளப்படுத்தி விட்டது தினகரன் தரப்பு.

வீட்டுக்கு வீடு சப்ளையாம்

வீட்டுக்கு வீடு குக்கர் சப்ளைசெய்து விட்டது தினகரன் தரப்பு என்பது ஒரு புகாராகவே உலவுகிறது. ஆனாலும் தினகரன் தரப்பு அதைக் கண்டுகொள்ளவில்லை. தனது வேலையில் கண்ணாக இருந்தது.

கட்டக் கடைசியாக பைக்

இன்று கடைசிக் கட்டப் பிரச்சாரத்தின்போது வெற்றிவேல் பைக்கை ஓட்ட பின்னால் தினகரன் உட்கார்ந்து கொண்டு கடைசிக் கட்ட வாக்கு சேகரிப்பில் ஈடுபட்டது தொகுதியில் இன்னொரு பரபரப்பாக அமைந்தது.

யாருக்கு அழுத்தப் போகிறார்கள் பொத்தானை

என்னவெல்லாமோ செய்து பார்த்து விட்டார்கள். தினகரன் மட்டுமல்லாமல் அனைத்துக் கட்சியினருமே. பார்ப்போம்.. மக்கள் எந்தப் பக்கம் பொத்தானை அழுத்தப் போகிறார்கள் என்பதை!

English summary

Independent candidate TTV Dinakaran conducted his final leg of campaign today in the RK Nagar seat with massive rally and a bike ride. Disqualified MLA Vetrivel rode the hike and Dinakaran was in the pillion. Both went in the constituency and garnered the votes from the people. Huge number of cadres and supporters gathered to receive them and welcomed.