புதுச்சேரியின் காஸ்ட்லி ஓட்டல் இது... இன்னும் எத்தனைப் பேரை இழுக்கப் போகிறதோ!!
சென்னை: டிடிவி தினகரன் ஆதரவு எம்எல்ஏக்கள் 19 பேரும் இப்போது 'ஓய்வு' எடுத்து வரும் விண்ட் ஃப்ளவர் ஹோட்டல், புதுச்சேரியின் சொகுசு ப்ளஸ் காஸ்ட்லி ரிசார்ட்களில் ஒன்று.
இரண்டு நீச்சல் குளங்கள், சொகுசு அறைகள், ஸ்பாக்கள், உடற்பயிற்சிக் கூடங்கள், மல்டிகுசின் உணவகம், பார் என இங்கு இல்லாத வசதிகளே இல்லை எனலாம்.
முன்பு எடப்பாடி பழனிச்சாமியை முதல்வராக்க, 130 எம்எல்ஏக்களை தங்கள் கட்டுப்பாட்டில் வைக்க சசிகலா - தினகரன் ஏற்பாடு செய்த கூவத்தூர் விடுதியை விட பல மடங்கு வசதிகள் மிக்கது இந்த விண்ட் ஃப்ளவர் ரிசார்ட்.
இப்போது இபிஎஸ் - ஓபிஎஸ் வசமுள்ள எம்எல்ஏக்கள் பலருக்கும் இந்த புதுச்சேரி ரிசார்ட் ஏற்பாடு பெரும் சபலத்தை ஏற்படுத்தியுள்ளதாக அதிமுக எம்எல்ஏக்கள் வட்டாரத்தில் பேசப்படுகிறது.
இந்த ரிசார்டில் இப்போது 19 எம்எல்ஏக்கள் உள்ளனர். மேலும் 21 எம்எல்ஏக்களின் ஆதரவு தங்களுக்கு இருப்பதாக தினகரன் ஆதரவு எம்எல்ஏ தங்க தமிழ்ச்செல்வன் கூறியுள்ளார். இவர்களில் சிலர் எப்போது வேண்டுமானாலும் விண்ட் ப்ளவர் ரிசார்ட்டுக்கு வரக் கூடும் என எதிர்ப்பார்க்கப்படுகிறது.
தினகரனைப் பொறுத்தவரை அவர் எதற்கும் அலட்டிக் கொண்ட மாதிரியே காட்டிக் கொள்ளவில்லை. இதுதான் இபிஎஸ்- ஓபிஎஸ் குழுவை கலக்கத்துக்குள்ளாக்கியுள்ளது.
Click it and Unblock the Notifications
Sign in with Google