கிராபிக்ஸ் செய்து வீடியோ வெளியிடுவார்கள்.. தினகரன் குறித்து கேபி முனுசாமி அதிரடி!

கடந்த காலத்தில் துணை முதல்வர் ஓபிஎஸ் தினகரனை சந்தித்த வீடியோக்களை தற்போது கிராபிக்ஸ் செய்து வெளியிடுவார்கள் என முன்னாள் அமைச்சர் கேபி முனுசாமி தெரிவித்துள்ளார்.

Published: Friday, October 5, 2018, 18:13 [IST]

Subscribe to Oneindia Tamil

Recommended Video

தினகரன் குறித்து கேபி முனுசாமி அதிரடி!- வீடியோ

சென்னை: கடந்த காலத்தில் துணை முதல்வர் ஓபிஎஸ் தினகரனை சந்தித்த வீடியோக்களை தற்போது கிராபிக்ஸ் செய்து வெளியிடுவார்கள் என முன்னாள் அமைச்சர் கேபி முனுசாமி தெரிவித்துள்ளார்.

முதல்வர் எடப்பாடி பழனிச்சாமியின் ஆட்சியை கவிழ்ப்பது தொடர்பாக ஓபிஎஸ் தன்னுடன் பேச்சுவார்த்தை நடத்தியதாக தினகரன் தெரிவித்திருந்தார்.

தினகரனின் பேச்சு தமிழக அரசியல் களத்தில் சூட்டை கிளப்பியுள்ளது. அவரது பேச்சுக்கு அதிமுகவினர் மறுப்பு தெரிவித்துள்ளனர். இந்நிலையில் தினகரன் பேச்சு குறித்து முன்னாள் அமைச்சர் கேபி முனுசாமி கூறியிருப்பதாவது,

அரசியல் வாழ்வு

இரண்டு தொகுதி இடைத் தேர்தலிலும் அதிமுக வெற்றி பெற்று விடும் என்ற செய்தி வந்து கொண்டிருக்கிறது. இரண்டு தொகுதிகளும் நாங்கள் வெற்றி பெற்று விட்டால் அரசியல் வாழ்வு இனி தனக்கு இருக்காது என தினகரன் முடிவு செய்திருக்கிறார்.

நம்ப மாட்டார்கள்

அந்த முடிவின் வெளிப்பாடுதான் கட்சித் தொண்டர்களை குழப்ப வேண்டும் என இதுபோன்ற கருத்துக்களை தெரிவிக்கிறார். நிச்சயமாக இந்த கருத்தை அதிமுக தொண்டர்கள் நம்ப மாட்டார்கள். செவி சாய்க்கமாட்டார்கள்.

தீய சக்தி

எம்ஜிஆர் அவர்கள் கருணாநிதியைப் பார்த்து தீய சக்தி என கூறினார். அந்த கருத்தை லட்சக்கணக்கான தொண்டர்கள் ஏற்றுக்கொண்டு இன்றுவரை அவரை தீய சக்தியாகவே பார்க்கின்றனர்.

சேர்க்க மாட்டோம்

அதேபோல் இந்த இரண்டாவது கட்ட போராட்டத்தில் எங்களுக்கு தீயசக்தியாக சசிகலாவும் தினகரனும் தெரிந்து கொண்டிருக்கிறார்கள். எக்காரணம் கொண்டும் சசிகலாவையும் தினகரனையும் கட்சியில் சேர்க்க மாட்டோம்.

கடந்த கால வீடியோ

துணை முதலமைச்சர் பன்னீர்செல்வம் தன்னை சந்தித்ததாகவும் அதற்கான வீடியோ உள்ளதாகவும் தினகரன் தெரிவித்த கருத்துக்கு கடந்த காலத்தில் எடுக்கப்பட்ட வீடியோவை தற்பொழுது கிராபிக்ஸ் செய்து வெளியிடுவார்கள். இவ்வாறு முன்னாள் அமைச்சர் கேபி.முனுசாமி தெரிவித்தார்.

Published On October 5, 2018