விடைத்தாள் மோசடி: திண்டிவனம் அண்ணா பல்கலை உறுப்புக்கல்லூரி முதல்வர் சஸ்பென்ட்.. சூரப்பா அதிரடி!
திண்டிவனம் அண்ணா பல்கலைக்கழக உறுப்புக்கல்லூரியின் முதல்வர் பொறுப்பில் இருந்து விஜயகுமார் அதிரடியாக நீக்கப்பட்டுள்ளார்.
Recommended Video
திண்டிவனம்: அண்ணா பல்கலைக்கழக உறுப்புக்கல்லூரியின் முதல்வர் பொறுப்பில் இருந்து விஜயகுமார் அதிரடியாக நீக்கப்பட்டுள்ளார்.
அண்ணா பல்கலைக்கழகத்தில் விடைத்தாள் மறுமதிப்பீட்டில் முறைகேடு நடைபெற்று இருப்பதாக லஞ்ச ஒழிப்பு போலீசார் தெரிவித்துள்ளனர்.
அண்ணா பல்கலைக்கழக இன்ஜினியரிங் தேர்வில் தோல்வி அடைந்த மாணவர்களை வெற்றிபெற வைக்க மறுகூட்டலின் போது லஞ்சம் பெறபட்டுள்ளது. சுமார் 400 கோடி ரூபாய் வரை லஞ்சம் வாங்கி இருப்பதாகவும் கூறப்படுகிறது.
2017ல் மோசடி
ஒரு பாடத்திற்கு 10 ஆயிரம் ரூபாய் வரை லஞ்சம் பெற்று இருக்கிறார்கள். 2017 கல்வி ஆண்டில் அண்ணா பல்கலையில் இந்த மோசடி நடைபெற்றுள்ளது தெரியவந்துள்ளது.
உமா தலைமையில் மோசடி
அண்ணா பல்கலைக்கழக்த்தில் 2015-2018 வரை தேர்வுக்கான கட்டுப்பாட்டாளராக இருந்த ஜி.வி.உமா தலைமையில்தான் இந்த முறைகேடு நடந்திருப்பதும் விசாரணையில் தெரியவந்தது.
கல்லூரி முதல்வர் நீக்கம்
இதையடுத்து தற்போது போராசிரியையாக பணிபுரிந்து வரும் உமா இன்று பணியிடை நீக்கம் செய்யப்பட்டார். இந்நிலையில் திண்டிவனம் அண்ணா பல்கலைக்கழக உறுப்புக்கல்லூரியின் முதல்வர் பொறுப்பில் இருந்து விஜயகுமார் அதிரடியாக நீக்கப்பட்டுள்ளார்.
அண்ணா பல்கலை. நடவடிக்கை
விடைத்தாள் மறுமதிப்பீட்டு முறைக்கேடு புகாரில் வழக்குப்பதிவு செய்யப்பட்டதை தொடர்ந்து நடவடிக்கை எடுக்கப்பட்டுள்ளது. விடைத்தாள் மறுமதிப்பீடு முறைக்கேடு விவகாரத்தில் 10 பேர் மீது வழக்குப்பதிவு செய்யப்பட்டுள்ளது குறிப்பிடத்தக்கது.