சென்னையில் கிறிஸ்தவ முறைப்படி மணம் புரிந்த தினேஷ் கார்த்திக் - தீபிகா; நாளை இந்து முறைப்படி!
சென்னை: விளையாட்டு உலகின் ஜோடியான தினேஷ் கார்த்திக் - தீபிகா பல்லிக்கல் திருமணம் சென்னையில் கோலாகலமாக நடைபெற்றது.
இன்று நடந்த திருமணம் தீபிகாவின் மதமான கிறிஸ்தவ முறைப்படி சர்ச்சில் நடத்தப்பட்டது.
நாளை தினேஷ் கார்த்திக் மதப்படி இந்து முறைப்படி இன்னொரு திருமணம் நடைபெறவுள்ளது.
கிரிக்கெட் தினேஷ்-ஸ்குவாஷ் தீபிகா:
இந்திய கிரிக்கெட் அணி வீரரான தமிழகத்தை சேர்ந்த தினேஷ் கார்த்திக்கும், சென்னையில் வசிக்கும் இந்திய ஸ்குவாஷ் வீராங்கனை தீபிகா பல்லிக்கலும் இரண்டு ஆண்டுகளுக்கு முன்பு காதலில் விழுந்தனர்.
காதல் திருமணம்:
இதைத் தொடர்ந்து திருமண நிச்சயமும் செய்து கொண்டனர். எனினும், அவரவர் விளையாட்டுகளில் பணிச்சுமை நெருக்கியதால் அதில் மும்முரமாகினர்.
கிறிஸ்தவ முறைப்படி நேற்று:
இந்த நிலையில் ஒருவழியாக தினேஷ் கார்த்திக்-தீபிகா பல்லிக்கல் திருமணம் கிறிஸ்தவ முறைப்படி சென்னையில் நேற்று நடந்தது. நெருங்கிய உறவினர்கள், நண்பர்கள், விளையாட்டு பிரபலங்கள் கலந்து கொண்டு அவர்களை வாழ்த்தினர்.
நாளை இந்து முறைப்படி:
அவர்களுடைய திருமணம் நாளை இந்து முறைப்படியும் நடக்க இருக்கின்றது என்பது குறிப்பிடத்தக்கது.
விக்கெட் கீப்பர் தினேஷ்:
கிருஷ்ணகுமார் தினேஷ் கார்த்திக் ஒரு இந்திய கிரிக்கெட் வீரர். தமிழ்நாட்டைச் சேர்ந்தவர். விக்கெட் கீப்பரும் ஆவார். 2004இலிருந்து இந்தியாவுக்காக விளையாடுகிறார்.
ஸ்குவாஷ் ராணி தீபிகா:
தீபிகா பல்லிக்கல் என்று அறியப்படும் தீபிகா ரெபக்கா பல்லிக்கல் 21 செப்டம்பர் 1991 ஆம் ஆண்டு கேரளாவைச் சேர்ந்த சிரியன் கிறித்தவ பெற்றோருக்கு மகளாக சென்னையில் பிறந்தார். தற்போது திருமணம் செய்து கொண்டுள்ள இவர்கள் கடந்த நவம்பர் 15, 2013 ஆம் ஆண்டு திருமண நிச்சயம் செய்து கொண்டனர் என்பதும் குறிப்பிடத்தக்கது.
Click it and Unblock the Notifications
Sign in with Google