இதோ, இன்னும் ஒரு "சூப்பர் முதல்வர்" கண்டுபிடிப்பு....!

சென்னை: தமிழகத்தில் மேலும் ஒரு முதல்வரை கண்டுபிடித்துள்ளனர். அந்த கண்டுபிடிப்புக்குரிய பெருமையாளர்கள் தேமுதிகவினர்.

தமிழக முதல்வரைரத் தெரியும், பள்ளிக்கூட முதல்வரைத் தெரியும், கல்லூரி முதல்வரைக் கூட தெரியும். ஆனால் முதல் முறையாக மக்கள் முதல்வர் என்ற புதிய பட்டத்தை உருவாக்கி அதை ஜெயலலிதாவுக்குக் கொடுத்து அலற வைத்த பெருமை ஜெயா டிவிக்கும், அதிமுகவினருக்குமே உரியது.

இதைப் பார்த்து பலரும் அந்த முதல்வர், இந்த முதல்வர் என்று தங்களுக்குத் தாங்களே பட்டம் கொடுக்க ஆரம்பித்து விட்டனர். சமீபத்தில் கூட கார்த்தி சிதம்பரத்திற்கும், ஈவிகேஎஸ் இளங்கோவனுக்கும் கூட இப்படி ஒரு முதல்வர் பட்டத்தை சூட்டி அழகு பார்த்தனர்.

இந்த வரிசையில் தற்போது தேமுதிகவினரும் தங்களது தலைவர் விஜயகாந்த்துக்கு ஒரு முதல்வர் பட்டம் சூட்டியுள்ளனர்.

மதுரையில் இன்று விஜயகாந்த், மின் கட்டண உயர்வை கண்டித்து ஆர்ப்பாட்டம் நடத்தினார். இதற்காக தேமுதிகவினர் ஒட்டியிருந்த ஒரு போஸ்டரில் கண்ட வாசகம் இது...

தேரா மன்னன் செப்புவதுடையேன்.... என நீதி கேட்க வருகை தரும் மக்கள் விரும்பும் முதல்வரே வருக வருக என்று போட்டிருந்தனர். ஒரு பக்கம் கண்ணகி சிலை மறுபக்கம் விஜயகாந்த் போட்டோவைப் போட்டுள்ளனர்.

இன்னும் என்னென்ன முதல்வர் பதவியெல்லம் வரப் போகுதோ...!

English summary

Madurai DMDK cadres have given a new title to their leader Vijayakanth.