பாஜகவுடன்தான் தேமுதிக கூட்டணி வைக்கும்: ஞானி சொல்லும் காரணத்தை கேளுங்கள்

சென்னை: தேமுதிக-பாஜக கூட்டணி அமைய வாய்ப்புள்ளதாக பிரபல பத்திரிகையாளர் ஞானி தெரிவித்தார்.

மத்திய அமைச்சர் பிரகாஷ் ஜவடேக்கர்-விஜயகாந்த் சந்தித்து பாஜக-தேமுதிக கூட்டணி குறித்து பேச்சுவார்த்தை நடத்தினார். கூட்டணி குறித்து இன்றே விஜயகாந்த் கருத்து தெரிவிப்பார் என்று எதிர்பார்க்க முடியாது என்றபோதிலும், பாஜகவுடனேயே விஜயகாந்த் செல்வார் என்று ஞானி கருத்து தெரிவித்தார்.

இதுகுறித்து அவர் கூறுகையில், பாஜக மற்றும் தேமுதிக ஆகிய இரு கட்சிகளும் கூட்டணி அமைத்தால் இரு கட்சிகளுக்குமே பலன் கிடைக்கும். ஏனெனில், தமிழகத்தில் விஜயகாந்த் போன்ற ஒரு பிரபலமான முகம் பாஜகவுக்கு தேவைப்படுகிறது. அதேபோல, 2019ம் ஆண்டுவரை மத்தியில் ஆட்சியில் இருக்கப்போகும் பாஜகவின் தயவு விஜயகாந்த்துக்கும் தேவைப்படும்.

இருவருக்கும் நலன் கிடைக்கும் என்பதால் விஜயகாந்த் பாஜக பக்கம் செல்ல வாய்ப்பு அதிகமாக உள்ளது. அதை தனது கட்சிக்கான பாதுகாப்பாக விஜயகாந்த் நினைக்க வாய்ப்புள்ளது. இதன்மூலம், திமுகவை பலவீனப்படுத்திவிட்டு, அடுத்த தேர்தலில் அதிமுகவை பலவீனப்படுத்த பாஜக மற்றும் தேமுதிக இணைந்து செயல்பட வாய்ப்புள்ளது. இவ்வாறு ஞானி தெரிவித்தார்.

English summary

DMDK might make an alliance with BJP ghani said.