புதுச்சேரியில் விஜயகாந்த் படம், கட்சி கொடியை யாரும் பயன்படுத்தக் கூடாது: தேமுதிக திடீர் அறிவிப்பு!!

சென்னை: புதுச்சேரியில் தேமுதிக தலைவர் விஜயகாந்த் பெயர், படத்தையும், கட்சியின் பெயர் மற்றும் கொடியையும் யாரும் பயன்படுத்தக் கூடாது என்று தேமுதிக தலைமைக்கழகம் அறிவித்துள்ளது.

புதுச்சேரியில் பாரதிய ஜனதா தலைமையிலான கூட்டணியில் இருக்கும் என்.ஆர். காங்கிரஸ் கட்சியின் வேட்பாளரை எதிர்த்து அதே கூட்டணியில் இருக்கும் பாமக வேட்பாளரை களமிறக்கியுள்ளது. பாமகவை மதிமுக ஆதரிக்கிறது.

ஆனால் தேமுதிக எந்த முடிவும் எடுக்காமல் இருந்து வந்தது. இதனால் இந்த இரண்டு கட்சிகளுமே தேமுதிக தலைவர் விஜயகாந்த் ஆதரவு தங்களுக்கு இருப்பதாக கூறி பிரசாரம் செய்து வருகிறது. இதனால் புதுச்சேரியில் தேமுதிக தொண்டர்கள் இடையே பெரும் குழப்பம் ஏற்பட்டுள்ளது.

இந்நிலையில்தான் தேமுதிக தலைமைக் கழகம் வெளியிட்ட அறிக்கையில், விஜயகாந்த் பெயர், படம், கட்சிக் கொடி ஆகியவற்றை யாரும் பயன்படுத்தக் கூடாது என்று தெரிவிக்கப்பட்டுள்ளது.

English summary

DMDK has said that no party in Puducherry use their leader Vijayakanth photo and party name in the LS elections